امتحانات کے حوالے سے حکومت کا رویہ انتہائی افسوسناک ہے علی معین نوازش
پاکستان کے کالم نگار اور جرنلسٹ اور جنگ گروپ کے جی ایم علی معین نوازش کا کہنا ہے کہ بچوں کے امتحانات کے بارے میں حکومت کا غیر سنجیدہ رویہ بہت افسوسناک ہے-
باغی ٹی وی : واضح رہے کہ وفاقی وزیرِ تعلیم شفقت محمود نے حال ہی میں اپنے بیان میں کہا تھا کہ اے لیول، او لیول، اے ایس، آئی جی سی ایس ای کے امتحانات شیڈول کے مطابق ہوں گے جبکہ نویں سے بارہویں جماعت کے امتحانات نئی تاریخوں کے تحت ہوں گے، امتحانات کی نئی تاریخوں کا اعلان متعلقہ بورڈ کریں گے۔
شفقت محمود نے کہا تھا کہ امتحانات کا نیا شیڈول مدِنظر رکھتے ہوئے یونیورسٹیز میں داخلے کئے جائیں گے، متاثرہ اضلاع کی یونیورسٹیز میں آن لائن کلاسیں جاری رہیں گی 8 فیصد سے کم کیسز والے اضلاع میں یونیورسٹیاں کھول دی جائیں گی۔
اُن کا مزید کہنا تھا کہ کورونا وائرس کے پھیلاؤ کے خدشے کے پیشِ نظر حکومت نے ملک بھر میں پہلی سے آٹھویں جماعت تک اسکول عید الفطر تک بند رہیں گے۔
وفاقی وزیرتعلیم کے اس بیان کے بعد طلبا نے مطالبہ کیا تھا کہ امتحانات کینسل کئے جائیں کیونکہ کورونا وبا کی وجہ سے اسکولز ، کالجز بند ہونے کی وجہ سے ان کا سلیبس مکمل نہیں ہوا ہے جبکہ ملک میں بڑھتے کورونا کی شرح کے پیش نظروالدین سمیت معروف سماجی ،سیاسی اور شوبز شخصیات نے حکومت سے سی آئی ای امتحانات کو کینسل کرنے کا مطالبہ کیا تاہم حکومت اپنے فیصلے پر بضد رہی –
تاہم بچوں کے امتحانات شروع ہیں اور امتحانی سینٹرز کے حالات دیکھ کر والدین میں تشویش کی لہر دوڑ گئی ہے جبکہ امتحانات دینے والے کئی ایک بچے کوویڈ پوزیٹیو بھی ہیں-
اس حوالے سے سینئر کالم نگار اور جرنلسٹ علی معین نوازش میں اپنے تصدیق شدہ ٹوئٹر اکاؤنٹ پر کی گئی ٹویٹ میں حکومت کے اس رویے کو افسوسناک قرار دیا-
I have received so many messages from students who are asymptomatic yet Covid positive who have no choice or are being forced by their parents to give the CIE exams happening tomorrow.
This is so sad and our students should never have had to face this situation! 😢
— Ali Moeen Nawazish (@am_nawazish) April 25, 2021
انہوں نے لکھا کہ مجھے طلباء کی طرف سے بہت سارے پیغامات موصول ہوئے ہیں جو ابھی تک کوویڈ مثبت ہیں جن کے پاس امتحانات دینے کے علاوہ کوئی چارہ نہیں ہے یا ان کے والدین مجبور ہیں کہ ان کے بچے امتحانات دیں۔
علی معین نے کہا کہ یہ بہت افسوسناک ہے اور ہمارے طلباء کو کبھی بھی ایسی صورتحال کا سامنا نہیں ہونا چاہئے تھا!-