پاکستان تحریک انصاف کا لانگ مارچ ، پاکستان عوامی تحریک کے سربراہ ڈاکٹر طاہر القادری نے کارکنوں کو خاموش رہنے کی ہدایت کر دی-
باغی ٹی وی : ڈاکٹر طاہر القادری نے پاکستان تحریک انصاف کے چیئرمین عمران خان کے لانگ مارچ سے لاتعلقی کا اظہار کرتے ہوئے جاری ایک بیان میں کہا کہ تحریک انصاف نے ساڑھے 3 سال میں سانحہ ماڈل ٹاؤن متاثرین کے لیے کچھ نہیں کیا-
پی ٹی آئی مارچ: راوی پل ،جی ٹی روڈ بند، سڑکوں پر رکاوٹیں کھڑی کردی گئیں
انہوں نے کہا کہ عمران خان کی جانب سے اس معاملے پر ایسی سرد مہری کا مظاہر ہ کیا گیا جیسے کچھ ہوا ہی نہیں تھا، ان کی جنگ ہم نہیں لڑ سکتے، کارکن خاموش رہیں وہ کسی احتجاج کا حصہ نہ بنیں-
یہ عمران خان کی ذاتی جنگ ہے،پارٹی رہنما اور کارکن خاموش رہیں:طاہر القادری کا پیغام
— Saif Awan (@saifullahawan40) May 24, 2022
یاد رہے کہ سابق وزیر اعظم عمران خان نے 25 مئی کو اسلام آباد آزادی مارچ کا اعلان کیا ہے۔
دوسری جانب حکومت نے فیصلہ کیا ہے کہ تحریک انصاف کا لانگ مارچ اگر پرامن ہوا تو آنے دے گی اور اگر پرامن نہ ہوا تو روکا جائے گا، اجلاس میں فیصلہ کیا گیا ہے کہ عوام الناس کی حفاظت اور تحفظ یقینی بنایا جائے گا ریاست کی رٹ پر کوئی سمجھوتہ نہیں کیا جائے گا –
معیشت اورعوام کوبچانےکےلیےریڈلائن لگانے کا وقت آگیا ہے،مریم اورنگزیب
امن و امان میں خلل ڈالنےوالوں کےخلاف کاروائی ہوگی،مفاد عامہ کےلئےتمام راستے کھلےرکھیں گےکسی قسم کے تشدد یا اشتعال انگیزی پر قانون حرکت میں آئے گا،دھرنے سے متعلق سپریم کورٹ کے فیصلوں پر من و عن عملدرآمد ہوگا،وزیراعظم شہباز شریف کا کہنا تھا کہ ایسے ہتھکنڈے معیشت کو تباہ کرنے کےمترادف ہے ایسے دھرنوں سے معیشت خراب اور دیہاڑی دار مزدور متاثر ہوگا-
