کشمیریوں کے سوا ہر کسی کو ہنگامی بنیادوں پر نکالا جارہا ہے، بھارت کے عزائم ٹھیک نہیں لگتے، محبوبہ مفتی نے خبردار کردیا

0
62

سری نگر:بھارتی عزائم ٹھیک نہیں لگتے ، بھارت کشمیر سے کشمیریوں کے علاوہ ہر کسی کو ہنگامی بنیادوں پرنکال کر بھارت واپس بھیج رہا ہے. اس سے یہ ثابت ہوتا ہے کہ بھارت کشمیریوں کے ساتھ کچھ کرنے جارہاہے،

مقبوضہ کشمیر کی سابق وزیر اعلیٰ محبوبہ مفتی نے کشمیری قیادت کو خبردار کرتے ہوئے کہا ہےکہ جس طرح بھارتی حکام مقبوضہ وادی سے کشمریوں کے علاوہ ہر کسی کونگامی بنیادوں پر نکال کر محفوظ مقامات پر منتقل کررہے ہیں اس سے یہ بات روز روشن کی طرح آشکار ہوچکی ہے کہ بھارت کشمیریوں کے ساتھ کچھ کرنے جارہا ہے.

محبوبہ مفتی نے ٹویٹ پیغام کے ذریعے تازہ ترین صورت حال سے آگاہ رکھتے ہوئے کہاہے کہ بھارت یاتریوں،سیاحوں، بھارت سے آئے ہوئے ملازمین ، مزدوروں ، کھلاڑیوں سمیت تمام بھارتیوں کو مقبوضہ وادی سے نکال کر محفوظ مقامات تک پہنچا رہا ہے، اب اس کےبعد کسی کشمیری کو بھارت کے عزائم سے واقف ہوجانا چاہیے،

دوسری طرف بھارتی کرکٹر عرفان پٹھان کا حوالہ د یتے ہوئے محبوبہ مفتی نے انکشاف کیا ہے کہ 100 سے زیادہ کرکٹ کے کھلاڑیوں کو بھی جلد از جلد کشمیر چھوڑنے کا حکم دے دیا گیا ہے . لٰہذا اب کسی کشمیری کو ان حالات کو نظر انداز نہیں کرنا چاہیئے

Leave a reply