ممتاز حیدر
لاہور چیمبر آف کامرس نے بھارت کے ساتھ باہمی تجارت کھولنے کا مطالبہ کر دیا ہے
پنجاب کے صوبائی دارالحکومت لاہور میں ایک تقریب کے دوران لاہور چیمبر آف کامرس کے صدر کاشف انور کا کہنا تھا کہ بھارت کے ساتھ تجارت کھولی جائے،بھارتی ڈپٹی ہائی کمشنر کی لاہور چیمبر آف کامرس آمد ہوئی اس موقع پر گفتگو کرتے ہوئے کاشف انور کا کہنا تھا پاکستان اور بھارت دونوں ملک دبئی کے راستے تجارت کر رہے ہیں جو انتہائی مہنگی ثابت ہو رہی ہے ، اگر پاکستان اور بھارت دو طرفہ تجارت کریں گے تو وہ سستی ہو گی، دونوں ممالک کو سستی تجارت سے فائدہ اٹھانا چاہئے
دوسری جانب بھارتی ڈپٹی ہائی کمشنر کا کہنا تھا کہ تجارت ہی ہے جو پاکستان اور بھارت کو ایک دوسرے کے قریب لا سکتی ہے، بھارت آئی ٹی اور موبائل سیکٹر میں ترقی کر چکا ، پاکستان اور بھارت کو ایک دوسرے کی ٹیکنالوجی سے فائدہ اٹھانا چاہئے،
