بھارت میں دھماکے سے 6 افراد ہلاک اور 8 زخمی ہو گئے
باغی ٹی وی کی رپورٹ کے مطابق بھارتی ریاست اترپردیش میں دھماکے سے 6 افراد ہلاک اور 8 زخمی ہوئے ہیں، دھماکی ضلع اٹیہ کے علاقے پولیس سٹیشن مربچی کی حدود میں ہوا، بارود بنانے والی فیکٹری میں دھماکہ اتنا شدید تھا کہ قریبی عمارتوں کی دیواریں گر گئیں، کئی مکانوں کے شیشے ٹوٹ گئے،
اترپردیش میں دھماکے کے بعد علاقہ میں خوف و ہراس پھیل گیا، تمام لوگ گھروں سے باہر نکل آئے، سیکورٹی ادارے اور ریسکیو ٹیمیں موقع پر پہنچیں ، سیکورٹی اداروں نے علاقے کو گھیرے میں لیا اور تحقیقات کا آغاز کر دیا کہ دھماکہ کیسے ہوا، دوسری جانب ریسکیو حکام نے لاشوں اور زخمیوں کو ہسپتال منتقل کیا.
جس بارود کی فیکٹری میں دھماکا ہوا وہ منی دیوی کے نام پر رجسٹرڈ تھی، دھماکے کے وقت ملازمین فیکٹری میں کام کر رہے تھے. فیکٹری میں ملازمین ابھی تک دبے ہوئے ہیں ،فیکٹری کی عمارت گر گئی ہے، قریبی گھروں کی دیواریں بھی گر گئی ہیں، دبے ہوئے ملازمین کو ریسکیو حکام نکالنے کی کوشش کر رہے ہیں
