بھارتی فوج کا ہیلی کاپٹر جموں میں گر کر تباہ

بھارتی فوج کا ہیلی کاپٹر جموں میں گر کر تباہ

باغی ٹی وی کی رپورٹ کے مطابق بھارتی فوج کا ایک اور ہیلی کاپٹر گر کر تباہ ہو گیا ہے

مقبوضہ جموں کے علاقے کٹھوعہ میں واقع ساگر ڈیم میں بھارتی فوج کا ہیلی کاپٹر گر کر تباہ ہو گیا ہے، ہیلی کاپٹر گرنے کے بعد امدادی ٹیمیں جائے وقوعہ پر پہنچ گئیں اور امدادی کاموں کے ساتھ تحقیقات کا آغاز بھی کر دیا گیا ہے، ہیلی کاپٹر گرنے کی وجوہات کا تاحال علم نہیں ہو سکا,

بھارتی میڈیا کے مطابق بھارتی فوج کا ہیلی کاپٹر صبح دس بجے روانہ ہوا تھا ہیلی کاپٹر رنجیت ساگر ڈیم کے علاقے میں نچلی پرواز کر رہا تھا جہاں وہ حادثے کا شکار ہوا اور گر کر تباہ ہو گیا،

موصولہ اطلاعات کے مطابق جموں کشمیر میں بھارتی فضائیہ کے اڈے پر ڈرون حملوں کے بعد مسلسل ڈرون نظر آ رہے ہیں جس کی وجہ سے بھارتی فوج نے سیکورٹی سخت کی ہے اور ڈرون کو پکڑنے، گرانے کے لئے ہیلی کاپٹر کی مدد لینے کا فیصلہ کیا تھا،ڈرون پر فائرنگ تو بھارتی فوج کرتی رہی لیکن ابھی تک ایک بھی ڈرون نہ گرا سکی،

سال2021 میں بھارتی طیارہ ،ہیلی کاپٹر تباہ ہونے کا یہ چوتھا حادثہ ہے ،مئی2021 میں بھارتی ایئر فورس کا جنگی طیارہ مگ 21 دوران پرواز گر کر تباہ ہو گیا تھا، طیارے کا پائلٹ حادثے میں ہلاک ہو گیا تھا بھارتی فضائیہ کے سکواڈرن لیڈر ابھینو چوہدری طیارے کو اڑا رہے تھے کہ دوران پرواز فنی خرابی کے باعث طیارہ صوبہ پنجاب کے علاقے موگا میں گر کر تباہ ہوا

قبل ازیں مارچ 2021 میں بھی ایک مگ21 طیارہ گر کر تباہ ہوا تھا۔قبل ازیں رواں برس چھ جنوری کو بھی بھارت کا ایک مگ 21 تباہ ہوا تھا بھارتی فضائیہ کا مگ 21 طیارہ ریاست راجستھان کے سرحدی علاقے صورت گڑھ میں گر کر تباہ ہواتھا،رپورٹس کے مطابق بھارتی فضائیہ کے مگ 21 طیارے میں صورت گڑھ ائیربیس سے پرواز کے کچھ ہی دیر بعد آگ لگ گئی تھی جس کے بعد طیارہ زمین پر آگرا۔

گزشتہ برس 27 نومبر کو بھی بھارت کا طیارہ تباہ ہوا تھا،دو سالوں میں بھارت کے کئی جنگی طیارے تباہ ہوئے، فروری اور مارچ کے دوران بھارتی ائیرفورس کے مجموعی طور 10 لڑاکا طیارے تباہ ہوئے جن میں سے 2 کو پاکستانی فضائیہ کے شاہینوں نے مار گرایا تھا۔ رپورٹس کے مطابق بھارتی حکومت اسلحے کی خریداری پر اربوں ڈالر خرچ کرتی ہے اس کے باوجود بھارتی فوج اسلحے کی کمی کا رونا روتی رہتی ہے۔

واضح رہے کہ دو برس قبل 27 فروری کو جب پاکستان نے بھارتی طیارے کو گرا کر بھارتی پائلٹ ابھینندن کو گرفتارکیا تھا اسوقت بھارتی فضائیہ نے اپنے ہی ایم آئی 17 ہیلی کاپٹر کو نشانہ بنا دیا تھا ابتدا میں بھارتی سرکار اس پر جھوٹ بولتی رہی بعد میں اعتراف کر لیا،گزشتہ برس ماہ اکتوبر میں بھارتی فضائیہ کے چیف راکیش کمار نے اس بات کا اعتراف کر لیا ہے کہ 27 فروری کو ان کا ہیلی کاپٹر ایم آئی 17 حادثے کا شکار نہیں ہوا تھا بلکہ اسے میزائل کا نشانہ بنایا گیا تھا اس حوالہ سے تحقیقات مکمل ہو گئی‌ ہیں، تحقیقات میں یہ بات سامنے آئی ہے کہ ہیلی خود بھارتی فوج نے غلطی سے گرایا

بادلوں کی وجہ سے طیارے راڈار میں نہیں آتے، بھارتی آرمی چیف کی مودی کے بیان کی تصدیق

بھارتی ائیر فورس نے مقبوضہ کشمیر کے سرینگر ائیر بیس کے سینئر ترین ائر آفیسر کمانڈر کا تبادلہ کر دیا گیا ہے. ائیر آفیسر کمانڈر کے خلاف تحقیقات چل رہی تھیں ، 27 فروری کو پیش آنے والے واقعہ جس میں بھارتی ائیرفورس نے خود ہی اپنے ایم آئی 17 ہیلی کاپٹر کو میزائل مار کر گرا کر تباہ کر دیا تھا ،ابتدائی انکوائری رپورٹ میں یہ بات واضح ہوئی کہ بھارتی ائیر فورس کے افسر کو اس لئے ہٹایا گیا ہے کہ اس کی نگرانی میں یہ حادثہ پیش آیا، واقعہ کے دوران بھارتی ائیر فورس کی متعدد غلطیوں کی بھی نشاندہی ہوئی.