بھارتی اداکار کا دائرہ اسلام میں داخل ہونے کا اعلان

باغی ٹی وی : معروف بھارتی اداکار ووین ڈیسینا نے دائرہ اسلام میں داخل ہونے کا اعلان کردیا ہے۔

باغی ٹی وی : انڈین ایکسپریس کے مطابق ہندوستان ٹائمز کو ووین ڈیسینا نے بتایا کہ وہ ہر سال رمضان المبارک میں روزے رکھتے ہیں ان کا کہنا ہے کہ اسلام تو انہوں نے ایک سال قبل قبول کرلیا تھا، اب صرف اعلان کیا جارہا ہے۔

ووین نے اخبار کو بتایا کہ انہوں نے اسلام گزشتہ برس رمضان المبارک میں قبول کیا تھا اس لیے رمضان کی اُس کے لیے خاص اہمیت ہے وہ 6 سال سے روزے رکھ رہے ہیں ہر مسلم کے لیے رمضان کے روزے رکھنا فرض ہے یہ اسلام کے پانچ بنیادی ستونوں میں سے ہے، میرے دوست اور اہلِ خانہ یہ سوچ کر پریشان رہتے ہیں کہ میں رمضان میں دن بھر پانی اور کافی کے بغیر کیسے رہ لیتا ہوں جبکہ کافی کے بغیر میرا گزارا نہیں۔

سدھو موسے والا کے بھائی کی پیدائش پر حکومت والد کو ہراساں کرنے لگی

ووین نے ہندوستان ٹائمز کو بتایا کہ اللہ کے فضل و کرم سے میری بیوی اور گھر والے ہر سال رمضان کو میرے لیے فوڈ فیسٹیول بنادیتے ہیں، ہم رمضان میں مختلف اقسام کے کھانے پکاتے ہیں اور میٹھے میں بھی ورائٹی کا اہتمام کرتے ہیں۔

ووین کی پہلی شادی 2013 میں وابز دراب جی سے ہوئی تھی جو 2017 میں ختم ہوگئی تھی 2022 میں اس نے نورین علی سے شادی کی دونوں خوش گوار ازواجی زندگی بسر کر رہے ہیں۔

معروف امریکی ریپر لِل جون نے اسلام قبول کر لیا

فحش فلموں کی اداکارہ اپنے کمرے میں پراسرار حالت میں مردہ پائی گئی