بھارت میں 11 پاکستانی ہندو شہریوں کے قتل کے خلاف اسلام آباد میں احتجاج

بھارت میں 11 پاکستانی ہندو شہریوں کے قتل کے خلاف اسلام آباد میں احتجاج

باغی ٹی وی کی رپورٹ کے مطابق بھارت میں 11پاکستانی ہندو شہریوں کے قتل کےخلاف اسلام آباد میں احتجاج ہوا ہے

ہندو کمیونٹی نے وزارت خارجہ کے باہر بھارت کے خلاف احتجاج کیا اور نعرے بازی کی،مظاہرین نے عالمی اداروں سے انصاف فراہم کرنے کا مطالبہ کیا

ڈاکٹر رمیشن کمار کا کہنا تھا کہ بھارت میں 11پاکستانی ہندووَں کے قتل پر پاکستان کو تشویش ہے، بھارت کی طرف سے 11ہندووَں کے قتل سے متعلق دی گئی معلومات نامکمل ہیں، پاکستان میں اقلیتوں کو ہر قسم کی آزادی اور تحفظ حاصل ہے،بھارت اور دنیا بھر میں اقلیتوں کے حقوق کی خلاف ورزی ناقابل قبول ہے،

وزیر خارجہ شاہ محمود قریشی کا کہنا تھا کہ آپ کو یقین دلانا چاہتا ہوں کہ آپ کے دکھ میں برابر کے شریک ہیں، ہماری کوششوں کے باوجود بھارت سے تعاون نہیں ملا، ہم ان سے جو معلومات مانگتے ہیں وہ ہمیں تفصیلات نہیں دیتے،

ڈاکٹر رمیشن کمار کا کہنا تھا کہ حکومت نے معاملے کو بھارت کے ساتھ اٹھانے کا وعدہ کیا تھا،اگست سے اب تک متاثرین کے لیے انصاف کے منتظر ہیں،ہندو برادری بھارتی ہائی کمیشن جانا چاہتے ہیں بھارتی حکومت ہمارے پیاروں کی باقیات حوالے کرے،

وزیر خارجہ شاہ محمود قریشی کا مزید کہنا تھا کہ مندر کو نقصان پہنچے کا سپریم کورٹ نے نوٹس لیا،آستانہ دوبارہ تعمیر کیا جائیگا،پاکستان نے کرتار پور میں اقلیتی برادری کو تحفہ دیا،پاکستانی شہریوں کے بھارت میں قتل پر ہر سطح تک جائیں گے،

وقت آ گیا ہے ہمیں بھارت سے حساب لینا ہے، اسلام آباد میں ہندو کونسل کا دھرنا،ڈاکٹر رمیش کمار کا اقوام متحدہ جانے کا اعلان

واضح رہے کہ 9 اگست کو بھارت میں 11 پاکستانی ہندو پراسرار طور پر ہلاک ہوئے تھے۔ بھارتی میڈیا نے کہا تھا کہ پاکستان سے جانے والے ہندو راجستھان کے ضلع جودھپور میں رہائش پذیر تھے، جاں بحق ہونے والوں پورے خاندان کا صرف ایک فرد ہی زندہ بچا تھا۔

ضلع سانگھڑ کی تحصیل شہداد پور کے گاؤں بھادر فقیر کلوئی کے رہائشیوں کے 11 افراد کو بھارت کے شہر جودھپور راجستھان کے گاؤں لوٹا میں RSS اور BJP کے غنڈوں نے پولیس کی سرپرستی می ں19 اگست2020 رات کو تین بجے گھر میں گھس کر زہریلے انجکشن لگاکر قتل کردیا ہے اس طرح کی تفصیل شہداد ہور تھانے میں مقدمہ درج کراتے ھوئے شریمیتی مکھی بھیل نے بتائی ھے مکھی بھیل نے بتایا کہ 2012 میں اسکا والد والدہ اور دیگر گیارہ افراد روزگار کے سلسلے میں بھارت چلے گئے تھے جنھیں گزشتہ روز بھارت کی دہشت گرد تنظیم آر ایس ایس اور بی جے پی کے غنڈوں نے رات تین بجے پولیس کی سرپرستی میں گاؤں میں داخل ھوکر زہریلے انجیکشن لگاکر قتل کردیا ھے اور اب ہمیں اور ہمارے رشتے داروں کو فون پر دہمکیاں دی جارہی ہیں کہ کسی کو کچھ نہیں بتانا ورنہ بھارت میں تمام خاندان کو قتل کردینگے

پاکستان کے شہریو‍ں کا ناحق خون بھارت میں بہا، بھارت جواب دے،فواد چودھری کی ہندو کونسل کے دھرنے میں شرکت