اسلام آباد (اے پی پی) وزیراعظم کے صحت انصاف پروگرام کے تحت خیبر پختونخوا کے قبائلی اضلاع میں پانچ لاکھ صحت انصاف کارڈ تقسیم کردیئے گئے ہیں.
تفصیلات کے مطابق وزیراعظم کے صحت انصاف پروگرام کے تحت خیبر پختونخوا کے قبائلی اضلاع میں پانچ لاکھ صحت انصاف کارڈ تقسیم کر دیئے گئے، وزیراعظم کی ہدایت پر قبائلی اضلاع کے تمام خاندانوں کو صحت انصاف کارڈ فراہم کیے جارہے ہیں، ابتدائی طور پر 3 لاکھ روپے تک تمام امراض کا علاج کروایا جاسکتا ہے تاہم کسی بڑے مرض کی صورت میں صحت انصاف کارڈ کو 7 لاکھ 20 ہزار روپے تک علاج کروایا جاسکے گا۔ وزیراعظم کے اس فیصلے کو خوش آئند قرار دیتے ہوئے کہا جارہا ہے کہ یہ صحت کے شعبے میں بڑی تبدیلی رونما کرے گا.
