انسانی سمگلنگ ، کرپشن میں ملوث اشتہاری سمیت 3 ملزمان گرفتار

ایف آئی اے ملتان زون نے کاروائی کی ہے،کمپوزٹ سرکل ڈیرہ غازی خان اور ملتان چھاپہ مار ٹیم کی کاروائیاں، انسانی سمگلنگ اور کرپشن میں ملوث اشتہاری سمیت 3 ملزمان گرفتار کر لئے

گرفتار ملزمان میں محمد یار، محمد ذیشان اور اشتہاری ملزم بشیر احمد شامل ہیں،محمد یار اور محمد بشیر کو ملتان جبکہ محمد ذیشان کو مظفر گڑھ سے گرفتار کیا گیا ،ملزم بشیر احمد محکمہ ڈاک میں کرپشن اور خورد برد میں ملوث تھا۔ ملزم نے ساتھی کے ساتھ ملکر 19 لاکھ 9 ہزار 5 سو 80 روپے کی خرد برد کی ،جبکہ ملزم محمد یار کو ضمانت قبل از گرفتاری منسوخ ہونے پر گرفتار کیا گیا ،ملزم محمد یار ویزہ فراڈ میں ملوث تھا

 دوسری کاروائی میں ملزم ذیشان کو مظفر گڑھ سے گرفتار کیا ،ملزم نے شکایت کنند گان سے ویزہ اور بیرون ملازمت کے نام پر لاکھوں روپے بٹورے ،ملزم نے بیرون ملک سعودی عرب بھجوانے کے لئے 29 لاکھ روپے بٹورے ،ملزمان کے خلاف مقدمہ درج کر کے تحقیقات کا آغاز کر دیا گیا۔

ایف آئی اے سائبر کرائم سرکل راولپنڈی نے مالی فراڈ میں ملوث ملزمان کو گرفتار کر لیا ،ملزمان سادہ لوح شہریوں کو بیرون ملک ملازمت کا جھانسہ دے کر رقوم بٹورتے تھے،ملزمان نے 32 متاثرین سے بیرون ملک ملازمت کے نام سے 25 لاکھ روپے بٹورے، ملزمان متاثرین کے فنگر پرنٹس لاہور، راولپنڈی اور اسلام آباد سے کرواتے تھے، گرفتار ہونے والے ملزمان میں محمد حنیف، اکبر، محمد اختر اور محمد وسیم شامل ہیں،ملزمان کے خلاف پیکا ایکٹ کے تحت مقدمہ درج کر لیا گیا،

بیس ہزار کے عوض خاتون نے ایک ماہ کی بیٹی کو فروخت کیا تو اس کے ساتھ کیا ہوا؟

بھارت ، سال کے ابتدائی چار ماہ میں کی 808 کسانوں نے خودکشی

سال 2020 کا پہلا چائلڈ پورنوگرافی کیس رجسٹرڈ،ملزم لڑکی کی آواز میں لڑکیوں سے کرتا تھا بات

سائبر کرائم ونگ کی کاروائی، چائلڈ پورنوگرافی میں ملوث تین ملزمان گرفتار

سپریم کورٹ کا سوشل میڈیا اور یوٹیوب پر قابل اعتراض مواد کا نوٹس،ہمارے خاندانوں کو نہیں بخشا جاتا،جسٹس قاضی امین

‏ سوشل میڈیا پر وزیر اعظم کے خلاف غصے کا اظہار کرنے پر بزرگ شہری گرفتار

سائبر کرائم کا شکار ہونے والی خواتین خودکشی کی طرف مائل ہو جاتی ہیں،انکشاف

حوالہ ہنڈی،کرنسی کی غیر قانونی ایکسچینج میں ملوث عناصر کے خلاف 42 چھاپہ مار کاروائیاں
ایف آئی اے کراچی زون کا ہنڈی حوالہ میں ملوث ملزمان کے خلاف کریک ڈاون جاری ہے،رواں سال کے دوران حوالہ ہنڈی اور کرنسی کی غیر قانونی ایکسچینج میں ملوث عناصر کے خلاف 42 چھاپہ مار کاروائیاں کیں، ترجمان ایف آئی اے کے مطابق 35 مقدمات درج کر کے 64 ملزمان کو گرفتار کیا گیا، 34 انکوائریوں کی تحقیقات بھی مکمل کی گئی ،چھاپوں کے دوران مجموعی طور پر 23 کروڑ 55 لاکھ روپے سے زائد مالیت کی ملکی و غیر ملکی کرنسی برآمد کی گئی۔برآمد کی گئی کرنسی میں 241640 امریکی ڈالر، 1 کروڑ 96 لاکھ روپے سے زائد مالیت کی دیگر غیر ملکی کرنسی شامل ہے،برآمد کی گئی کرنسی میں 14 کروڑ 33 لاکھ پاکستانی روپے بھی شامل ہے،گرفتار ملزمان بغیر لائسنس کرنسی کی ایکسچینج میں ملوث تھے۔گرفتار ملزمان مختلف کاروبار کی آڑ میں بھی حوالہ ہنڈی میں ملوث تھے ،چھاپوں کے دوران ملزمان سے ہنڈی حوالہ سے متعلق متعدد رسیدیں اور موبائل فونز بھی برآمد کئے گئے۔چھاپہ مار ٹیمیں خفیہ اطلاع پر غیر قانونی کرنسی کی خریدوفروخت میں ملوث ایجنٹوں کے خلاف کاروائیاں کر رہی ہیں ،غیر ملکی کرنسی کی سمگلنگ میں ملوث عناصر کو قانون کے مطابق قرار واقعی سزائیں دلوائی جائیں گی۔ہنڈی حوالہ میں ملوث ڈیلروں کے خلاف انٹیلیجنس بیسڈ کارروائیاں جاری ہیں۔ ہنڈی حوالہ میں ملوث ملزمان کے خلاف گھیرا تنگ کیا جا چکا ہے ،انٹیلیجنس بیسڈ کارروائیوں میں دیگر اداروں سے بھی معاونت لی جاری ہے۔