ضلع خیبر اور بلوچستان کے علاقوں میں انٹرنیٹ خدمات بحال

اسلام آباد :ضلع خیبر اور بلوچستان کے علاقوں میں انٹرنیٹ خدمات بحال ،طلاعات کےمطابق ملک بھر میں انٹرنیٹ خدمات کی فراہمی کے حکومتی وژن کے مطابق متعلقہ فورمز کی جانب سے سیکیورٹی کی صورتحال کا جائزہ لینے کے بعد عملی کام شروع ہوگیا ہے ،

ادھر اسی حوالے سے ٹیلی کام آپریٹروں کو پورے ضلع خیبر اور صوبہ بلوچستان کے بعض اضلاع کے متعدد علاقوں (جیسے تربت شہر، کیچ، آواران، پنجگور، واہشک اور قلات)اور مختلف شاہراؤں اور ملحقہ قصبوں (جیسے آر سی ڈی ایچ، این 30، این 85، تربت سٹی اور آواران بیلا روڈ)میں انٹرنیٹ خدمات کی بحالی کی ہدایت جاری کردی گئی ہیں۔

اس حوالے سے موبائل فون آپریٹروں کو جہاں ممکن ہو اپنے موجودہ انفراسٹرکچر یعنیG 2 سائٹس کوG 3 / 4Gکی اپ گریڈ یشن اور نیٹ ورک کی توسیع کا جائزہ لینے کو بھی کہا جائے گا تاکہ ان علاقوں کے رہائشیوں کو بہتر آواز اور ڈیٹا خدمات فراہم کی جا سکیں۔

ڈیٹا خدمات کی بحالی سے شہریوں کو تعلیم، صحت، تجارت اور کمیونیکیشن سے متعلقہ ضروریات کو پورا کرنے میں مدد ملے گی۔ دیگر علاقوں میں سیکیورٹی کی صورتحال کا جائزہ لینے کے بعد انٹرنیٹ خدمات کی بحالی کا مرحلہ وار نفاذ کیا جائے گا۔