ایرانی صدر دو روزہ دورے پر قطر روانہ

ایرانی صدر چھٹے جی ای سی ایف سربراہی اجلاس میں شرکت کے لیے تہران سے دوحہ روانہ ہوگئے ہیں

یہ دورہ قطر کے امیر شیخ تمیم بن حمد الثانی کی سرکاری دعوت پر کیا گیا ہے قطر کے امیر صدر ابراہیم رئیسی اور ان کے ہمراہ وفد کا استقبال کریں گے۔پیٹرولیم، ثقافتی ورثہ، سیاحت اور دستکاری کے وزراء کے ساتھ ساتھ صدر رئیسی کے دفتر کے سربراہ بھی اس سفر میں ہیں۔اپنے قیام کے دوران صدر رئیسی کچھ معاہدوں اور مفاہمت ناموں پر دستخط کریں گے۔وہ قطر میں ایرانی تارکین وطن سے بھی خطاب کریں گے اور ایرانی اور قطری تاجروں سے بھی بات چیت کریں گے دوسرے دن، وہ ریاستوں اور حکومت کے سربراہان کے 6 ویں جی ای سی ایف سربراہی اجلاس میں تقریر کریں گے۔

ایرانی صدر مملکت نے کہا ہے کہ ان کے دورہ قطر کا مقصد ہمسایہ ممالک بالخصوص خلیج فارس کی ریاستوں کی ترجیحی سفارت کاری کو فعال کرنا، سیاسی اور اقتصادی تعلقات کو مضبوط بنانے کے لیے ان ممالک کی صلاحیتوں کو بروئے کار لانا ہے۔ یہ بات صدر ابراہیم رئیسی نے آج پیر کو دوحہ روانہ ہونے سے قبل کہی، ایرانی صدر کا کہنا تھا کہ یہ دورہ قطر کے امیر شیخ تمیم بن حمد الثانی کی جانب سے دی گئی سرکاری دعوت کے جواب میں کیا گیا ہے، اس دورے کا پہلا مقصد برادر اور پڑوسی ریاست قطر کے ساتھ دو طرفہ تعلقات کو مضبوط بنانا ہے اس کا دوسرا ہدف ریاست قطر کی میزبانی میں گیس برآمد کرنے والے ممالک کے چھٹے سربراہی اجلاس میں شرکت کرنا ہے انہوں نے اس بات پر زور دیا کہ قطر کا میرا دورہ پڑوسی ممالک بالخصوص خلیج فارس کے ممالک کی سفارت کاری کو فعال کرنے اور سیاسی اور اقتصادی تعلقات کو مضبوط بنانے کے لیے ان ممالک کی صلاحیتوں کو بروئے کار لانے کے دائرہ کار میں ہے

ایرانی صدر نے ایران اور قطر کے درمیان مشترکہ گیس فیلڈ کا حوالہ دیتے ہوئے کہا کہ توانائی کے شعبے میں دوحہ کے ساتھ ہمارے تعاون کی سطح بہت بلند ہے اور ہم قطر کے ساتھ معیشت اور توانائی کے شعبے میں مذاکرات کریں گے۔ ایران، قطر اور روس دنیا میں قدرتی گیس کے سب سے اہم پروڈیوسر اور برآمد کنندگان ہیں، لہذا سربراہی اجلاس میں ہم جو مذاکرات کر سکتے ہیں گیس پیداوار اور برآمد کرنے والے ممالک کے درمیان تعاون کو بڑھانے کے لیے ایک بہت اہم قدم ہو سکتا ہے۔

نو منتخب ایرانی صدر کی پریس کانفرنس میں چار سو کے قریب صحافیوں نے شرکت کی

وزیر خارجہ شاہ محمود قریشی کی ایرانی صدر سے ملاقات، پہنچایا وزیراعظم کا پیغام

ایران اور بھارت ایک صفحہ پر،سابق ایرانی صدر نے پاکستان کے خلاف زہر اگل دیا