پاکستانی معروف یوٹیوبر عرفان جونیجو نے ولاگنگ چھوڑدی
باڑی ٹی وی کی رپورٹ کے مطابق پاکستانی یوٹیوبر عرفان جونیجو نے ولاگنگ چھوڑنے کا اعلان کردیا گذشتہ روز پاکستان کے مشہور یوٹیوبر اور ولاگر عرفان جونیجو نے اپنے یوٹیوب چینل پر آئی کوئٹ کے عنوان سے ایک ویڈیو شیئر کی جس میں عرفان جونیجو نے کہا کہ وہ اب مزید ولاگنگ نہیں کریں گے
پاکستانی یوٹیوبر نے کہا کہ میں اب کسی بھی ایونٹ میں نہیں جاتا ہوں اور نہ ہی کسی ایوارڈ شو میں جاتا ہوں مجھے دعوت نامے بھی آتے ہیں لیکن میں نہیں جاتا میں منع کر دیتا ہوں میں نےٹوئٹر چھوڑ دیا ہے میں نے کیمرے کا استعمال بھی پہلے سے بہت کم کردیا ہے
انہوں نے کہا کہ جیسے جیسے میری شہرت میں اضافہ ہوا ہے ویسے ویسے میری زندگی آرام دہ ہوتی جارہی ہے اورسب سے حیران کن بات یہ ہے کہ یہ سب مجھے بہت اچھا لگتا ہے
https://www.youtube.com/watch?v=EoFTr8439yQ&feature=youtu.be
عرفان جونیجو نے کہا کہ میں نے ولاگز بنانا اس لیے شروع کیا تھا کیونکہ مجھے ولاگز دیکھنا بہت پسند تھا مجھے لگتا تھا کہ ولاگز بنانے میں بہت مزہ آتا ہوگا
یو ٹیوبر نے کہا کہ میں نے کبھی سوچا بھی نہیں تھا کہ ولاگنگ کے ذریعے میرے خواب پورے ہونا شروع ہوں گے اس کے ذریرے اپنے خوابوں کو پورا کروں گا انہوں نے جکہا انہوں نے ولاگز کے ذریعے ہی اپنی ہر ایک خواہش پوری کی برازیلی فٹ بالر ونالڈینو سے ملاقات کرنے سے لے کر اپنی ذاتی ڈریمی بائیک لینے کا خواب میں نے ولاگنگ کی دنیا میں آکر ہی پورا کیا
انہوں نے کہا کہ آج کل کے انٹر نیٹ کے دور میًں مشہور ہونا بہت آسان ہے لیکن پہچان ملنا بہت مشکل ہے انہوں نے کہا جب کوئی انجان شخص مجھے کہیں ملتا ہے تو کہتا ہے کہ میں آپ کی ویڈیوز دیکھتا ہوں اور میں آپ کے کام سے بہت متاثر ہوتا ہوں تو اس سے بہترین احساس کوئی ہونہیں سکتا اس سے مجھے بہت خوشی محسوس ہوتی ہے اور یہ سب ولاگنگ کے ذریعے ہوا ہے لیکن ان سب کے ساتھ ہی میں احساس کمتری اور بے چینی کا بھی شکار رہتا ہوں اور یہ سب ولاگنگ کی وجہ سے ہورہا ہے
نے کہا کہ جو شخص پہلے خوشیوں سے بھرپور زندگی گزار رہا تھا وہ آہستہ آہستہ ایک عام شخص کی طرح ہوتا جارہا ہے یہ سب میرے ساتھ اس وقت ہونا شروع ہوا تھا جب میرے یوٹیوب کے سبسکرائبر 5 لاکھ سے زیادہ ہوگئے تھے
عرفان جونیجو نے کہا کہ میں یہ نہیں کہہ رہا ہوں کہ میں یوٹیوب چھوڑ رہا ہوں اور اب کوئی ویڈیو اپ لوڈ نہیں کروں گا میرا اگر دل کرے گا تو میں ولاگز بناؤں گا ورنہ نہیں بناؤں گا
عرفان جونیجو نے کہا کہ اب میری زندگی کا مقصد صرف ولاگ نہیں ہے بلکہ میں جو بنانا چاہتا ہوں وہ دل سے بناؤں گا اور جس وقت پر بنانا چاہوں گا اس وقت پر بناؤں گا اور وہ بنانے پر مجھے ذاتی طور پر بہت خوشی ہو گی
