شوبز

عرفان خان کے انتقال پر بالی وڈ فنکاروں کا افسوس کا اظہار

5 سال قبل
5 سال قبل

بالی وڈ کے معروف اداکار عرفان خان 53 سال کی عمر میں انتقال کرگئے ان کے اچانک انتقال کی خبر سے مداح اور ساتھی اداکارحیران پریشان ہو گئے بالی وڈ اداکاروں نے سوشل میڈیا پر افسوس کا اظہار کیا

باغی ٹی وی: بالی وڈ کے معروف اداکار عرفان خان 53 سال کی عمر میں انتقال کرگئے ان کے اچانک انتقال کی خبر سے مداح اور ساتھی اداکارحیران پریشان ہو گئے بالی وڈ اداکاروں نے سوشل میڈیا پر افسوس کا اظہار کیا بھارتی میڈیا رپورٹس کے مطابق عرفان خان کو منگل کے روز ممبئی کے ایک ہسپتال میں اس وقت داخل کروایا گیا جب ان کی طبیعت اچانک خراب ہوگئی رپورٹ میں بتایا گیا کہ اداکار کو بڑی آنت کا انفیکشن ہوا تھا جس کے علاج کے لیے وہ ہسپتال میں داخل ہوئے عرفان خان نے سوگواران میں اہلیہ ستاپا اور دو بیٹے بابیل اور ایان چھوڑے ہیں

اداکار کے انتقال کی خبر سامنے آنے کے بعد شوبز سے تعلق رکھنے والی شخصیات نے سوشل میڈیا پر اپنے دکھ کا اظہار کیا

بالی ووڈ کے ہدایت کار و پروڈیوسر شوجیت سرکار نے ٹویٹر پرعرفان خان کو یاد کرتے ہوئے لکھا میرے پیارے دوست عرفان تم لڑے، لڑے اور لڑتے رہے، مجھے ہمیشہ تم پر فخر رہے گا، ہم دوبارہ ملیں گے
https://twitter.com/ShoojitSircar/status/1255377784773410818?s=19
شوجیت سرکار نے اپنی ٹوئٹ میں عرفان خان کی اہلیہ ستاپا سے اظہار تعزیت بھی کیا اور لکھا آپ نے بھی جنگ لڑی، ستاپا آپ نے اس جنگ میں جتنا ہوسکا کیا عرفان خان کو میرا سلام انہوں نے عرفان خان کے گھر والوں سے بھی تعزیت کا اظہار کیا


امیتابھ بچن نے اپنی ٹوئٹ میں لکھا کہ عرفان خان کے انتقال کی خبر بہت ہی غمگین اور پریشان کن ہےعرفان خان سب کو بہت جلدی چھوڑ کر چلے گئے، وہ بےحد ٹیلنٹڈ اور بہترین ساتھی تھے


پریانکا چوپڑا نے بھی اپنی فلم ’7 خون معاف‘ کی ایک تصویر شیئر کی جس میں عرفان خان نے ان کے ساتھ کام کیا تھا اور ان کی موت پر دکھ کا اظہار کیا


کرن کھیر نے بھی اداکار کی موت پر افسوس کا اظہار کرتے ہوئے لکھا عرفان خان کے انتقال کے بارے میں سن کر بہت پریشانی ہوئی وہ ایک بہترین اداکار تھے انہوں نے ان کے اہل خانہ سے تعزیت کی اورلکھا خدا ان کو یہ نقصان برداشت کرنے کی توفیق عطا فرمائے


ٹائیگر شروف نے بھی اس خبر پر اپنے دکھ کا اظہار کیا اور ان کے گھر والوں صبر عطا فرمائے


اداکارہ ہما قریشی نے لکھا کہ عرفان خان کو ہمیشہ یاد رکھا جائے گا انہوں نے ان کی فیملی کے لئے نیک خواہشات کا اظہار کیا اور صبر کی دعا کی


شاہ رخ خان نے لکھا کہ عرفان خان اپنے دور کے متاثر کن اور عظیم اداکار تھے اللہ عرفان بھائی کی روح کو سکون عطا فرمائے


اداکارہ روینا ٹنڈن نے بھی عرفان خان کے ساتھ لی گئی تصویر شئیر کی اور لکھا کہ عرفان ایک خان ایک بہت اچھے اداکار تھے ان کی اچانک موت ناقابل یقین ہے


اداکار اجے دیوگن نے بھی عرفان خان کی موت پر دکھ کا اظہار کرتے ہوئے لکھا کہ عرفان خان کی موت کی خبر سن کر بہت دکھ ہوا اور لکھا کہ ان کی موت انڈین سینما کے لئے ایک نا قابل تلافی نقصان ہے


بالی وڈ کے معروف پروڈیوسر اور ہدایتکار جاوید اختر نے لکھا کہ عرفان خان کے انتقال کی خبر سن کر بہتر افسوس ہوا ہم سب انہیں یاد کریں گے


اداکارہ شبانہ اعظمی نے عرفان خان کی موت پر افسوس کا اظہار کیا اور لکھا کہ وہ بہت ہی مضبوط اداکار تھے انہوں نے کینسر کے ساتھ بہادری سے مقابلہ کیا ان کی موت نہ صرف ان کی فیملی کے لئے بلکہ پوری بالی وڈ انڈسٹری کے لئے ایک ناقابل تلافی نقصان ہے


سونم کپور نے بھی عرفان خن کی موت پر افسوس کا اظہار کیا اور ان کی روح کے سکون کے لئے دعا کی اور مرحوم کے اہل خانہ کے ساتھ تعزیت کی

واضح رہے کہ چند روز قبل عرفان خان کی والدہ سعیدہ بیگم کا بھارتی ریاست راجستھان کے شہر جے پور میں 95 سال کی عمر میں انتقال ہوگیا تھا عرفان خان نے کورونا وائرس کے باعث ملک میں جاری لاک ڈاؤن کی وجہ سے اپنی والدہ کی آخری رسومات میں ویڈیو کانفرنس کے ذریعے شرکت کی تھی

خیال رہے کہ عرفان خان نے 2018 میں بتایا تھا کہ وہ نیورواینڈوکرائن ٹیومر میں مبتلا ہوگئے ہیں بعد ازاں وہ علاج کی غرض سے بیرون ملک چلے گئے تھ ۔ اپنی بیماری کے باعث عرفان خان فلم ’’انگریزی میڈیم‘‘ کی تشہیر کا حصہ بھی نہیں بن سکے تھے یہ عرفان خان کی آخری فلم تھی

عرفان خان کو فلم ’’پان سنگھ تو مر‘‘ میں شاندار اداکاری کرنے پر نیشنل ایوارڈ سے نوازا گیا تھا عرفان خان کئی ہالی ووڈ پراجیکٹ کا بھی حصہ رہ چکے ہیں جن میں سلم ڈاگ ملینئر، جراسک ورلڈ، دی امیزنگ اسپائیڈر اور لائف آف پائی شامل ہیں

بالی وڈ اداکار عرفان خان آئی سی یو میں زیر علاج،کرونا وائرس یا کوئی اوروجہ اہم خبرآگئی

کورونا وائرس:لاک ڈاؤن کی وجہ سے عرفان خان والدہ کی آخری رسومات میں شریک نہ ہو سکے

ٹیگز:
Shares:

مزید خبریں