اسلام آباد انٹرنیشنل ائرپورٹ نے فوگ کے باعث ڈائیورٹڈ فلائیٹس کا پلان دے دیا

اسلام آباد انٹرنیشنل ائرپورٹ نے فوگ کے باعث ڈائیورٹڈ فلائیٹس کا پلان دے دیا.

ترجمان سول ایوی ایشن اتھارٹی کے مطابق اسلام آباد انٹرنیشنل ائرپورٹ نے فوگ کے باعث ڈائیورٹڈ فلائیٹس کا پلان دے دیا ہے. اسلام آباد ائرپورٹ سے فی الوقت ایسی کل 33 فلائیٹس اپریٹ ہوں گی. ڈائیورٹڈ فلائیٹس میں 16 روانگی اور 17 آمد فلائیٹس شامل ہیں. ترجمان کے مطابق یہ ڈائیورٹڈ فلائیٹس شیڈولڈ فلائیٹس کے علاوہ ہیں . ڈائیورٹڈ فلائیٹس آپریشن کے تحت 4 ڈیپارچر فلائیٹس اپریٹ ہوچکیں ہیں. ڈیپارچر فلائیٹس پر 607 مسافر اور عملہ کے 29 ارکان سوار تھے. انہوں نے مزید بتایا کہ اس طرح 3 ڈائیورٹڈ فلائیٹس کی آمد بھی ہوئی ہے. ڈائیورٹڈ ارائیول فلائیٹس کے ذریعے 650 مسافر اور عملہ کے 29 افراد اسلام آباد پہنچے ہیں. اسلام آباد آنے والے 650 مسافر بسوں کے ذریعے لاہور روانہ ہوگئے ہیں.
مزید یہ بھی پڑھیں؛
گورنرپنجاب آج رات وزیراعلیٰ کوڈی نوٹیفائی کرنیکا ڈیکلریشن جاری کرینگے:رانا ثناء اللہ
گورنرپنجاب نے وزیراعلیٰ پنجاب کوڈی نوٹیفائی کردیا
پرویز الہی سبکدوش، پی ٹی آئی اور ق لیگ کا عدالت جانے کا فیصلہ
میگ لیننگ پاکستان کے خلاف ہوم سیریز میں ٹیم کی قیادت کریں گی
رباط میں اسلامی مخطوطات کی بین الاقوامی نمائش شروع
واضح رہے گزشتہ روز ملک کے بڑے ائرپورٹس پر فوگ سے متاثرہ فلائیٹس کے مسافروں کی سہولت کے لئے ٹاسک فورس بنانے کا فیصلہ کیا گیاتھا. اور کہا گیا کہ ائرپورٹ مینیجر ٹاسک فورس کے سربراہ ہوں گے اور ٹاسک فورسز اپنے اپنے ائرپورٹس پر فرائض سر انجام دیں گی. متاثرہ فلائیٹس کے مسافروں کو ہر ممکن سہولت پہنچانا، ائرلائنز، اے ایس ایف، ایف آئی اے کے زریعے مسافروں کے ائرپورٹ پر معاملات کو جلد از جلد نمٹانا ،
ٹریفک پولیس کے ساتھ رابط تاکہ کار پارک اور لین ٹو میں رش نہ بڑھے، ٹاسک فورس کے فرائض میں شامل ہے. ٹاسک فورس کے مزید فرائض میں ائرلائنز کے ذریعے مسافروں کے قیام و طعام اور ٹرانسپورٹ سہولیات کا بندوبست کرنا، مسافروں اور ائرپورٹ آنے والوں کو موسمیات کی معلومات دینا، موسمیاتی تبدیلیوں سے میڈیا نمائندوں کو بھی با خبر رکھنا، ائرلائنز کا اپنے مسافروں کو ڈیپارچر ٹائم سے متعلق باخبر رکھنا، فلائیٹ انفارمیشن ڈسپلے سسٹم پر تازہ ترین معلومات کو یقینی بنانا شامل ہے.