حماس کے اسرائیل پر حملے کے بعد اسرائیل کی غزہ پر 26 ویں روز بھی مسلسل بمباری جاری ہے، اسرائیل نے شدید بمباری کر کے غزہ کا مواصلاتی نظام تباہ کر دیا ہے، غزہ کا دیگر دنیا سے رابطہ کٹ چکا ہے،
اسرائیلی فوج نے شمالی غزہ میں اپنی دراندازی کے علاقوں میں لائٹنگ بم برسائے، غزہ کے شمال مغرب میں کراما کے علاقے میں بھی پرتشدد جھڑپیں ہوئیں، پٹی کے جنوب مشرق میں الزیتون محلے میں بھی اسرائیل نے بمباری کی،غزہ کے سب سے بڑی ٹیلی کمیونیکیشن کمپنی ’ پیلٹیل‘ نے سوشل میڈیا پلیٹ فارم ’ایکس‘ پر ایک پوسٹ میں کہا ہے کہ بین الاقوامی رسائی دوبارہ منقطع ہونے کے باعث غزہ میں انٹرنیٹ اور مواصلاتی رابطہ مکمل طور پر منقطع ہوگیا ہے۔
غزہ میں وزارت صحت نے اسرائیلی بمباری اور بے گناہ شہریوں کی اموات کو فلسطینیوں کی "نسل کشی” قرار دیا ،اسرائیل کی مسلسل بمباری اور ہزاروں شہیروں کی موت کے باعث غزہ ایک قبرستان کی شکل اختیار کر چکا ہے، یونیسیف کا کہنا ہے کہ ہر دس منٹ میں ایک بچہ شہید ہو رہا ہے.اب تک اسرائیلی بمباری سے 3500 کے قریب بچے شہید ہو چکے ہیں،غزہ میں شہید ہونے والے فلسطینیوں کی تعداد 8,796 تک پہنچ گئی، جن میں 3,648 بچے اور 2,290 خواتین شامل ہیں،24 گھنٹے کے اندر اسرائیل کے 31 فوجی بھی مارے گئے ہیں
اسرائیلی بمباری سے اقوام متحدہ کے مزید تین کارکنان کی بھی موت ہوئی ہے، اب تک اقوام متحدہ کے 67 اراکین اسرائیلی حملے میں مارے جا چکے ہیں،اقوام متحدہ کے سیکرٹری جنرل انتونیو گوتیریس کا کہنا ہے کہ شہریوں کی حفاطت کا مستقل خیال رکھا جانا چاہیے بین الاقوامی انسانی قانون پر عملدر آمد کو مخصوص نہیں کیا جاسکتا، غزہ میں پہنچنے والی امداد مکمل طور پر ناکافی ہے۔
غزہ پر بدترین حملوں کے بعد جنوبی امریکی ملک بولیویا نے اسرائیل سے سفارتی تعلقات منقطع کردیئے ہیں،بولیویا پہلا لاطینی امریکی ملک بن گیا ہے جس نے غزہ کی پٹی میں فوجی کارروائی پر اسرائیل سے سفارتی تعلقات ختم کئے ہیںَ، بولیویا کی صدارتی ہاؤس کی وزیر ماریا نیلا پرادا نے نیوز کانفرنس میں بتایا کہ وہ بولیویا کی کثیر قومی ریاست کے طور پر اسرائیل کے ساتھ سفارتی تعلقات ختم کرنے کے اپنے فیصلے سے آگاہ کررہے ہیں
دوسری جانب حماس کا کہنا ہے کہ غزہ کے پناہ گزینوں کے کیمپ جبالیا پر اسرائیلی حملے میں 7 یرغمالی ہلاک ہوگئے ہیں، جن میں تین غیر ملکی پاسپورٹ رکھنے والے بھی شامل ہیں،حماس نے اب تک 239 قیدیوں میں سے 4 یرغمالیوں کو رہا کردیا ہے
اسرائیل پر حماس کے حملے کا ماسٹر مائنڈ،ایک پراسرارشخصیت،میڈیا کو تصویر کی تلاش
اقوام متحدہ کا غزہ میں جنگ بندی کا مطالبہ
