ہم نے جیل ہسپتال کا وزٹ کیا وہ تو خود بیماریوں سے بھرا ہوا ہے ، اسلام آباد ہائیکورٹ

عمران خان کو اڈیالہ جیل میں سہولیات فراہمی اور فیملی ، وکلا ذاتی معالج سے ملاقات کی انٹرا کورٹ اپیل پر سماعت ہوئی،

جسٹس میاں گل حسن اورنگزیب اور جسٹس ارباب محمد طاہر نے سماعت کی، وکیل شیر افضل مروت نے دلائل میں کہا کہ سنگل بنچ کے فیصلے میں کوئی ہدایت نہیں کہ وہ جس سہولت کے اہل ہیں وہ دی جائیں ، سنگل بنچ نے فیصلے میں بی کلاس دینے کا حکم نہیں دیا ،جسٹس میاں گل حسن اورنگزیب نےاستفسار کیا کہ ابھی کتنے مقدمات عمران خان کے خلاف چل رہے ہیں ؟ وکیل نے کہا کہ ابھی وہ سائفر کیس میں جیل میں ہیں ،عدالت نے استفسار کیا کہ ابھی عبوری حکم میں آپ کیا مانگ رہے ہیں ؟ وکیل نے کہا کہ ہم ورزش کے لئے جیل میں مشین مانگ رہے ہیں ، عدالت نے وکیل سے استفسار کیا کہ اس کا طریقہ کار کیا ہو گا ؟ اٹک جیل میں تو آپ کو سہولیات حاصل تھیں ؟ وکیل نے کہا کہ اٹک جیل میں بھی ہمیں سہولیات حاصل نہیں تھیں نا اڈیالہ جیل میں ہیں ، ذاتی معالج ، فیملی ، وکلا کی ملاقاتوں کی اجازت نہیں دی جا رہی ،

جسٹس میاں گل حسن اورنگزیب نے ریمارکس دیتے ہوئے کہا کہ ہم دوسری طرف کو نوٹس جاری کرکے جواب مانگ لیتے ہیں ، ہم ان سے عمل در آمد رپورٹ بھی طلب کر لیتے ہیں ، جیل رولز کیا کہتے ہیں ؟ آپ اس حوالے سے بھی عدالت کی معاونت کریں ، وکیل شیر افضل مروت کی جانب سے جیل رولز عدالت کے سامنے پڑھے گئے،وکیل نے کہا کہ سنگل بنچ کا فیصلہ آئے ایک ماہ گزر گیا لیکن جیل حکام نے اجازت نہیں دی ، جسٹس میاں گل حسن اورنگزیب نے ریمارکس دیتے ہوئے کہا کہ ہم نے جیل کا وزٹ کیا وہ تو خود بیماریوں سے بھرا ہوا ہے ، آپ کی درخواست کے حوالے سے تحریری آرڈر پاس کریں گے ،

اسرائیلی میجر جنرل حماس کے ہاتھوں یرغمال؛ کیا اب فلسطینی قیدی چھڑوائے …

 پرتشدد کارروائیوں کو فوری طور پر روکنے اور شہریوں کے تحفظ کا مطالبہ 

اسرائیلی میجر جنرل حماس کے ہاتھوں یرغمال؛ کیا اب فلسطینی قیدی چھڑوائے جاسکیں گے؟

اسرائیل پر حملہ کی اصل کہانی مبشر لقمان کی زبانی

بھارتی اداکارہ نصرت اسرائیل سے پہنچیں ممبئی،بتایا آنکھوں دیکھا حال