ممتاز حیدر
اڈیالہ جیل میں 190 ملین پاؤنڈ اسکینڈل ریفرنس کیس کی سماعت کے دوران بانی پی ٹی آئی عمران خان کی اہلیہ سے ملاقات کی درخواست عدالت نے منظور کر لی
سماعت احتساب عدالت کے جج ناصر جاوید رانا نے کی، اس موقع پر بانی پی ٹی آئی عمران خان اور بشریٰ بی بی کو عدالت میں پیش کیا گیا تھا،عمران خان اور بشریٰ بی بی کے وکلاء نے ریفرنس کی نقول فراہم کرنے کی درخواست کی جبکہ عمران خان کے دانتوں کا طبی معائنہ کرانے کی درخواست بھی دائر کی گئی، عدالت نے 190 ملین پاؤنڈ ریفرنس میں فردجرم کی کارروائی کے لیے 27 فروری کی تاریخ مقرر کر تے ہوئےسماعت ملتوی کردی
سماعت کے دوران عمران خان نے روسٹرم پر آکر کہا کہ میں نے ڈینٹسٹ کو چیک اپ کروانا ہے،احتساب عدالت کے جج نے کہا کہ جیل میں ڈاکٹرز موجود ہیں، آپ چیک اپ کروالیں،عمران خان نے کہا کہ سات ماہ ہو گئے، ایک بار بھی ڈاکٹر کے پاس نہیں گیا، جیل کا ڈاکٹر میرے دانت ہی نہ نکال دے، 70 سال کی عمر میں دانت کا چیک اپ کروانا ہے،جج نے کہا کہ درخواست دے دیں اس پر مناسب حکم سناتے ہیں۔
واضح رہے کہ تین مقدمات میں عمران خان کو سزا سنائی جا چکی ہے، دو مقدمات میں بشریٰ بی بی کو بھی سزا سنائی جا چکی ہے، عمران خان اڈیالہ تو بشریٰ بنی گالہ میں قید ہیں،
