جیل ٹرائل اور جج تعیناتی کیخلاف عمران خان کی درخواست پر سماعت ملتوی

سائفر کیس کے جیل ٹرائل اور جج تعیناتی کےخلاف اسلام آباد ہائیکورٹ میں عمران خان کی اپیل پر سماعت ہوئی.

عمران خان کے وکیل سلمان اکرم راجہ،ایڈیشنل اٹارنی جنرل منور اقبال دوگل،ڈپٹی اٹارنی جنرل ارشد کیانی، ڈپٹی اٹارنی جنرل عظمت بشیر تارڑ،جوائنٹ سیکرٹری قانون و انصاف عرفان احمد،جوائنٹ سکریٹری کابینہ ڈویژن منیر صادق اسلام آباد ہائیکورٹ میں موجودتھے،وکیل سلمان اکرم راجہ نے کہا کہ وفاقی حکومت نے اپنی مرضی سے ایک جج کو آفیشل سیکرٹ ایکٹ کی عدالت کا جج تعینات کر دیا، جج کی تعیناتی کے لیے متعلقہ چیف جسٹس سے مشاورت نہیں کی گئی، وزارت داخلہ نے سیکیورٹی خدشات کے پیش نظر جیل ٹرائل کا نوٹی فکیشن جاری کیا، سائفر کیس میں فرد جرم عائد کر دی گئی اور 7 نومبر کو شہادتیں ریکارڈ ہونی ہیں،جسٹس میاں گل حسن اورنگزیب نے کہا کہ ہم وفاقی کابینہ کے فیصلے کو دیکھنا چاہتے ہیں۔ کہاں آفیشل سیکریٹ ایکٹ خصوصی عدالت کا جج تعینات ہوا 27جون 2023 کو وفاقی کابینہ نے انسداد دہشت گردی عدالت کے جج کی تعیناتی کی منظوری دی،وفاقی کابینہ کی منظوری میں کہیں نہیں لکھا ہوا یہ آفیشل سیکریٹ ایکٹ خصوصی عدالت کی جج کی تعیناتی ہے،اٹارنی جنرل نے کہا کہ وزارت قانون کی جانب سے سمری بھجوائی گئی تھی جس کی کابینہ نے منظوری دی،انسداد دہشتگردی کی عدالت کے جج کو آفیشل سیکرٹ ایکٹ کی خصوصی عدالت کا جج تعینات کیا گیا،کابینہ کی منظوری کے بعد تعیناتی کا نوٹیفکیشن جاری ہوا،وکیل سلمان اکرم راجہ نے کہا کہ جج کی تعیناتی کیلئے چیف جسٹس سے مشاورت ہونی چاہیے،

سائفر کیس اوپن ٹرائل کی عمران خان کی درخواست میں جسٹس میاں گل حسن اورنگزیب کا ایڈیشنل اٹارنی جنرل منور دوگل سے اہم مکالمہ سامنے آیا ہے، جسٹس میاں گل حسن اورنگزیب نے کہا کہ آپ کو یہ دیکھنا ہوگا کہ ہم 2023 میں رہ رہے ہیں ، یہ openness کا دور ہے ، اوپن کورٹ ، اوپن سماعت ، شفافیت کا تقاضا بھی یہی ہے اگر جیل کی سلاخوں کے پیچھے ہونے والے ٹرائل میں سزا سنا دی جاتی ہے تو اس کے کیا اثرات ہونگے یہ سب چیزیں آپ کو دیکھنا ہیں

جسٹس میاں گل حسن اورنگزیب نے کہا کہ ہم اس کیس میں پیر کےلئے نوٹس جاری کر رہے ہیں، عدالت نے ایف آئی اے، وزارت قانون و دیگر کو نوٹس جاری کرتے ہوئےسماعت 6نومبر تک ملتوی کر دی

ہوشیار۔! آدھی رات 3 بڑی خبریں آگئی

بشریٰ بی بی، بزدار، حریم شاہ گینگ بے نقاب،مبشر لقمان کو کیسے پھنسایا؟ تہلکہ خیز انکشاف

لوٹوں کے سبب مجھے "استحکام پاکستان پارٹی” سے کوئی اُمید نہیں. مبشر لقمان

لوگ لندن اور امریکہ سے پرتگال کیوں بھاگ رہے ہیں،مبشر لقمان کی پرتگال سے خصوصی ویڈیو