جب تک سیاسی استحکام نہ ہوکسی ملک کی ترقی نہیں ہوسکتی. وزیر اعظم شہباز شریف
وزیر اعظم شہبازشریف نے کہا ہے کہ آئی ایم ایف نےہم پرکڑی شرائط لگائیں، تاہم تمام شرائط پوری کردی گئی ہیں، ہماری خواہش ہےکہ آئی ایم ایف پروگرام مکمل ہوجائے،چیئرمین ایف بی آرسےسخت ناراض ہوں،لیکن جب تک سیاسی استحکام نہ ہوکسی ملک کی ترقی نہیں ہوسکتی۔ کراچی میں تاجروں کی تقریب سے خطاب کرتے ہوئے وزیراعظم شہبازشریف نے کہا کہ چین نےاپناکمرشل قرضہ بھی رول اوورکیا، دوست ممالک کی خواہش ہے کہ پاکستان ترقی کرے، دوست ممالک آج بھی ہمارے لیے اچھے جذبات رکھتے ہیں۔ انہوں نے کہا کہ پچھلی حکومت نے آئی ایم ایف سےمعاہدہ کرکےتوڑدیا،ہم نےحکومت سنبھالی توایسانہیں تھاکہ مہنگائی نہیں تھی،بلکہ مہنگائی عروج پر تھی،ملک میں ایک سال سےسیاسی عدم استحکام تھا اب بھی ہے،تیل کی بڑھتی قیمتوں نے مہنگائی میں مزید اضافہ کیا۔ وزیر اعظم نے کہا کہ پچھلےسال تاریخ کاسب سےبڑاسیلاب آیا،اس نےتباہی مچادی،وفاق نےسیلاب متاثرین کی بحالی کیلئے100ارب روپےکاحصہ ڈالا،صوبائی حکومتوں نےعوام کی بحالی کیلئےاربوں روپےخرچ کیے۔
انہوں نے کہا کہ سرمایہ کارپاکستان کیلئےاپنا سرمایہ رسک لےکر لگاتےہیں،سرمایہ کاروں کوپاکستان کاسفیرسمجھتاہوں،چیئرمین ایف بی آرسےسخت ناراض ہوں،لیکن جب تک سیاسی استحکام نہ ہوکسی ملک کی ترقی نہیں ہوسکتی۔ انہوں نے سوال کیا کہ 9مئی جیساکبھی کسی نےوحشیانہ عمل کیا؟ 9مئی کووہ ہواجودشمن سوچ بھی نہیں سکتاتھا۔ دریں اثنا وزیر اعظم سےیواےای کے قونصل جنرل نے ملاقات کی ،وزیراعظم یواےای کے قونصل جنرل سےگرمجوشی سےملے، اورتعاون پرشکریہ اداکیا۔ ملاقات میں قونصل جنرل نے کہا کہ یواے ای پاکستانی تاجروں کی حوصلہ افزائی کررہاہے۔
……………………………………………………………………………………………………………………………………………………………………………………………..
اس سے قبل وزیراعظم شہبازشریف نے کہا کہ ملک میں جان بوجھ کر سیاسی افراتفری پیدا کرنے کی کوشش کی گئی، مل کرپاکستان کی کشتی کو کنارے لگائیں گے، چیلنجز ہیں مگر ہارنے کا سوال پیدا نہیں ہوتا، تمام مسائل کو شکست فاش دیں گے۔ کراچی کے فور کے سنگ بنیاد کی افتتاحی تقریب سے خطاب کرتے ہوئے وزیراعظم نے کہا کہ کچھ گزارشات ہی جو آپ کےسامنےکروں گا ْ سب سے شاندار یہ تھا کہ اس شہر میں دو پارٹیوں کے رہنماوں نے میٹھی باتیں کیں، یہ باتیں ان کے دل سے نکل رہی تھیں، جو کہ صوبے کی ترقی کے لیے خوش آئند ہیں، اسی میں پاکستان کی ترقی اور خوشحالی کا راز مضمر ہے۔
انہوں نے کہا کہ اتفاق اوراتحاد میں برکت ہے، چیلنجزکاسامنانہ کرتے تو صورت حال بالکل مختلف ہوتی ، ملک میں جان بوجھ کر سیاسی افراتفری پیداکرنےکی کوشش کی گئی، اس افراتفری کا 9 مئی کے واقعات پراختتام ہوا، 9 مئی کا دن پاکستان کی تاریخ کا سیاہ دن تھا، پارلیمان نےاتفاق واتحادکامظاہرہ کیا جس سے سازش دفن ہوئی۔ شہباز شریف نے کہا کہ اس سازش کے تانے بانے سمندر پار سے مل رہےتھے،عمران نیازی کے جتھوں نے تنصیبات پر حملے کئے وہ تاریخ کا سیاہ باب تھا، شہداء کے ورثا کو ملا تو تمام آنکھیں نم تھیں ،ان کےدل غمگین تھے۔
وزیراعظم نے کہا کہ ملک میں جاری مسائل کو حل کرنے کے لیے یقین دلاتا ہوں تمام مسائل حل ہوں گے، مل کرپاکستان کی کشتی اورناو کوکنارےلگائیں گے، چیلنجز ہیں مگر ہارنے کا سوال پیدا نہیں ہوتا، تمام مسائل کو شکست فاش دیںگے، ملک کو کھویاہوامقام دلائیں گے۔ سب سےزیادہ ٹیکسزدینےوالےشہرمیں پانی پرسیاست جائزنہیں، کام جاری وساری تھا چیئر مین واپڈا کو جانتا ہوں، اس منصوبےکومکمل کرنےکی بھرپورکوشش کریں گے۔
مزید یہ بھی پڑھیں؛
آئین کا تحفظ ہمارے بنیادی فرائض میں شامل ہے۔ چیف جسٹس
100 واں ڈے،پی سی بی نے بابر اعظم کی فتوحات کی فہرست جاری کر دی
لندن میں نواز شریف کے نام پرنامعلوم افراد نے تین گاڑیاں رجسٹرکرالیں،لندن پولیس کی تحقیقات جاری
بینگ سرچ انجن تمام صارفین کیلئے کھول دیا گیا
انٹربینک میں ڈالر سستا ہوگیا
ووٹ کا حق سب سے بڑا بنیادی حق ہے،اگر یہ حق نہیں دیاجاتا تو اس کامطلب آپ آئین کو نہیں مانتے ,عمران خان
سعیدہ امتیاز کے دوست اورقانونی مشیرنے اداکارہ کی موت کی تردید کردی
انہوں نے کہا کہ مرادعلی شاہ نے بتایا کے فور پر سیاست کی گئی وہ انتہائی افسوس ناک ہے، کے فور نے کروڑوں کےعوام کو پینے کاپانی فراہم کرناہے، عمران خان کی فتنےپر مبنی سوچ تھی ،اگرمیں ہوں توسب کچھ ہے۔کرپشن کیس میں گرفتار ہوا تو کہہ دیا جلاؤ گھیراؤ کرو، 4سال چور ڈاکو کا نعرہ لگانے والا خود کرپشن کیس میں آیاہے، عمران خان کی فتنےپرمبنی سوچ تھی، اگرمیں ہوں توسب کچھ ہے۔
