جماعت اسلامی کا 2024 انتخابات پر وائٹ پیپر لانے ،عدالت جانے کا اعلان

نائب امیر جماعت اسلامی لیاقت بلوچ نے پریس کانفرنس کرتے ہوئے کہا ہے کہ جو جیت گئے وہ پریشان ہیں ، جو ہار گئے انہیں سمجھ نہیں آرہا 2024 کے انتخابات دھاندلی زدہ اور متنازع ہیں،

لیاقت بلوچ کا کہنا تھا کہ کبھی 35 پنکچر اور کبھی ڈبے کھولنے کی بات کی جاتی ہے، کبھی ازسر نو گنتی کی بات کی جاتی ہے، بنیادی بات یہ ہے کہ فارمولا ہے کہ 30 سے 35 حلقوں کو ٹارگٹ کر کے اپنی مرضی کا نتیجہ حاصل کیا جائے ،یہی مداخلت 1977 میں ہوئی اور ہر انتخاب کے موقع پر یہ چیزیں عیاں ہوئیں، اس فارمولے کے تحت پارلیمنٹ طاقتوروں کے زیر رہے،فارم 45 کے تمام نتائج فارم 47 میں تبدیل کر دیئے گئے، ہم نے پورے ملک میں تمام حلقہ جات سے تفصیلات اکٹھی کی ہیں، ان شاء اللہ جماعت اسلامی 2024 کے انتخابات پر وائٹ پیپر لائے گی، اس کے تمام پہلوؤں کو قوم کے سامنے عیاں کیا جائے گا،جماعت اسلامی کے کراچی اور کے پی کے حلقوں کو ٹارگٹ کیا گیا، جیتی ہوئی سیٹیں چھین لی گئیں، کامیاب ہونے والوں کا اعلان ہوا، اسکے نتائج تبدیل ہوئے،ہم اس کے خلاف الیکشن ٹریبونل اور عدالت میں بھی جائیں گے ۔جماعت اسلامی مجموعی طور پر پورے ملک میں جو ہماری کامیابی نہیں ہوئی، اس کو تسلیم کرتے ہیں لیکن ماضی کی نسبت پیشرفت کی ہے، ہم پر بیشتر دباؤ آئے کہ غیر جمہوری طرز پر چلا جائے کبھی دباؤ آیا کہ پی ڈی ایم میں شریک ہوا جائے، لیکن جماعت اسلامی نے انکار کیا ۔

جماعت اسلامی کا تحریک انصاف سے اتحاد سے انکار

انتخابی نتائج میں مبینہ دھاندلی کے خلاف جماعت اسلامی کا کل یوم سیاہ منانے کا اعلان
دوسری جانب انتخابی نتائج میں مبینہ دھاندلی کے خلاف جماعت اسلامی نے کل یوم سیاہ منانے کا اعلان کردیا،کراچی میں پریس کانفرنس کرتے ہوئے امیر جماعت اسلامی کراچی حافظ نعیم الرحمان نے کہا ہے کہ ہم عدالت بھی گئے، یہ پاکستان کے خلاف سازش ہے، ہم اس رزلٹ اور جعل سازی کو نہیں مانتے.انٹرمیڈیٹ کے نتائج میں کراچی کے طلبہ و طالبات کو فیل کیا گیا، مطلب کراچی والوں کو پڑھنے اور آگے بڑھنے سے روکنا ہے،انٹر بورڈ میں کرپٹ افسران بیٹھے ہیں ،صرف گریس مارکس کی بنیاد پر نتیجہ دیا جائے تو انصاف نہیں ملے گا، شفاف امتحانات آئندہ بار ہویں کے لیے جائیں،الیکشن تو پاکستان میں شفاف نہیں ہوتے سب مانتے ہیں،پہلے ہی بتا رہے تھے کہ دھاندلی ہوگی، الیکشن کمیشن نے توہین عدالت کی ہے،

جماعت اسلامی نے چیف الیکشن کمشنر اور دیگر کیخلاف توہین عدالت درخواست کی دائر
دوسری جانب جماعت اسلامی نے چیف الیکشن کمشنر اور دیگر کیخلاف توہین عدالت کی درخواست سندھ ہائیکورٹ میں دائر کر دی، توہین عدالت کی درخواست صوبائی اسمبلی کے امیدواروں نے ایڈووکیٹ عثمان فاروق کے توسط سے دائر کی، درخواست دائر کرنے والوں میں جنید مکاتی، وجیہہ الحسن ، نصرت اللہ ، محمد احمد اور محمد اکبر شامل ہیں،سندھ ہائیکورٹ میں دائر درخواست میں موقف اپنایا گیا کہ چیف الیکشن کمشنر نے عدالتی فیصلے کی توہین کرتے ہوئے نوٹیفکیشن جاری کئے جبکہ سندھ ہائیکورٹ نے ہدایت کی تھی کہ امیدواروں کو سن کر فیصلہ کیا جائے، چیف الیکشن کمشنر نے ہمیں سنے بغیر فیصلہ کر دیا جو کہ توہین عدالت ہے، چیف الیکشن کمشنر سکندر سلطان راجا کے خلاف کارروائی کی جائے۔

نواز شریف کا چوتھی بار وزارت عظمیٰ کا خواب ادھورا، شہباز شریف وزیراعظم نامزد

اگر آزاد کی اکثریت ہے تو حکومت بنا لیں،ہم اپوزیشن میں بیٹھ جائینگے، شہباز شریف

پی ٹی آئی کا وفاق اور پنجاب میں ایم ڈبلیو ایم ،خیبر پختونخوامیں جماعت اسلامی سے اتحاد کا اعلان

نواز شریف چیخ اٹھے مجھے کیوں بلایا،زرداری کی شرط،مولانا کی ضد،ن کی ڈیمانڈ

موبائل بندش سے نتائج تاخیر کا شکار،دھاندلی بھی ہوئی، الیکشن کمیشن کی تصدیق

جہانگیر ترین پارٹی عہدے سے مستعفی،سیاست چھوڑنے کا اعلان

انتخابات میں ناکامی، سراج الحق جماعت اسلامی کے عہدے سے مستعفی