جناح اسپتال کا مردہ خانہ موٹر سائیکل سروس سینٹر میں تبدیل

0
23

کراچی : جناح اسپتال کا مردہ خانہ موٹر سائیکل سروس سینٹر میں تبدیل ہوگیا،کوئی ایم ایل او وقت پر پہنچے یا نہ پہنچے، مورچری کے اندر موٹر سائیکلوں کی دھلائی وقت پر ہوتی ہے ۔

تفصیلات کے مطابق ایک شہری کے اطلاع دینے پر نجی ٹی وی کی ٹیم جناح اسپتال کے مردہ خانہ پہنچ گئی،جناح اسپتال کا مردہ خانہ بھوت بنگلہ کا منظر پیش کر رہا تھا ،مردہ خانے کا دروازہ کھلا نا کوئی افسر نہ ماتحت صرف ایک ملازم موجودتھا جو دنیاسے بے خبرموٹر سائیکل کی سروس کررہا تھا۔

ایم ایل او کے کمرے کا دروزا کھلا اور نلکے سے پانی گرتا رہا،قمیض اتارے ملازم نے اندرجاتے رپورٹر سے کوئی سوال بھی نہ کیا،موبائل سے ویڈیو بنانے پر بھی ملازم ٹس سے مس نا ہوا جبکہ اسی دوران ایک بچے کی لاش پوسٹ مارٹم کے لیے لائی گئی جس پرمذکورہ ملازم نے جلدی سے قمیض پہنی اور خود کو مصروف ظاہرکرنے لگا،موٹر سائیکل سروس کولڈ اسٹوریج کے دروازے پر کی جارہی تھی۔ملازم کا کہنا تھا کہ کولڈ اسٹوریج تقریباً 4 سال سے استعمال میں نہیں ہے ۔

Leave a reply