لاہور انسداد دہشتگردی عدالت،نو مئی کے مقدمات میں اہم پیش رفت سامنے آئی ہے
عدالت نے جناح ہاوس سمیت گیارہ مقدمات کے چالان واپس بھجوا دیئے ،عدالت نےا تمام ضروری دستاویزات منسلک کرکے چالان دوبارہ جمع کروانے کی ہدایت کر دی، عدالت نے چالان نا مکمل ہونے کی بناء پر واپس بھجوائے، عدالت نے ریمارکس دیتے ہوئے کہا کہ چالانوں میں متعدد گواہان کے بیانات اور فوٹو گرامیٹک ٹیسٹوں کی رپورٹ شامل نہیں،پراسیکیوشن نے جناح ہاوس سمیت گیارہ مقدمات کے چالان جمع کروائے تھے
واضح رہے کہ9مئی واقعات سے متعلق جناح ہاؤس حملہ سمیت 11مقدمات کا چالان لاہور کی انسداد دہشت گردی کی خصوصی عدالت میں جمع کروا دیا گیا تھا،سانحہ 9مئی مقدمات چیئرمین پی ٹی آئی عمران خان ، عمر سرفراز چیمہ ، میاں محمود الرشید نامزد کیے گئے ہیں،چالان میں ڈاکٹر یاسمین راشد ،خدیجہ شاہ ، صنم جاوید سمیت دیگر گرفتار ملزمان بھی شامل ہیں،جناح ہاؤس حملہ کیس ، عسکری ٹاور حملہ ،شادمان تھانہ جلانے کے مقدمے کا چالان جمع کروادیا گیا شیر پاؤ پل پر جلاؤ گھیراؤ کرنے کے مقدمے کا چالان جمع کروادیا گیا
لاہور انسداد دہشت گردی عدالت،ماڈل ٹاؤن میں مسلم لیگ نون کا آفس جلانے کا معاملہ ،عدالت نے پی ٹی آئی رہنما اعجاز چوہدری کو چودہ روزہ جوڈیشل ریمانڈ پر جیل بھییج دیا ،عدالت نے اعجاز چوہدری کو 23 اکتوبر کو دوبارہ پیش کرنے کا حکم دے دیا .عدالت نے جیل حکام کو اعجاز چوہدری کو پی آئی سی میں علاج کروانے کی اجازت دے دی،اعجاز چوہدری کو جوڈیشل ریمانڈ مکمل ہونے پر عدالت میں پیش کیا گیا ،پولیس کی جانب سے اعجاز چوہدری کے جوڈیشل ریمانڈ میں توسیع کی استدعا کی گئی،انسداد دہشت گردی عدالت کی ایڈمن جج عبہر گل خان نے کیس پر سماعت کی ، اعجاز چوہدری اور دیگر کیخلاف تھانہ ماڈل ٹاؤن میں مقدمہ درج ہے
عمران خان کی گرفتاری کے بعد کور کمانڈر ہاؤس لاہور میں ہونیوالے ہنگامہ آرائی میں پی ٹی آئی ملوث نکلی
بشریٰ بی بی کی گرفتاری کے بھی امکانات
نواز شریف کو سزا سنانے والے جج محمد بشیر کی عدالت میں عمران خان کی پیشی
مراد سعید کے گھر پر پولیس نے چھاپہ
اوریا مقبول جان کو رات گئے گرفتار
واضح رہے کہ عمران خان کی گرفتاری کے بعد پی ٹی آئی کارکنان نے فوجی تنصیبات پر ملک بھر میں حملے کئے تھے، شرپسند عناصر کو گرفتار کیا جا چکا ہے، گرفتار افراد کا کہنا ہے منظم منصوبہ بندی کے تحت حملے کئے گئے، شرپسند افراد نے ویڈیو بیان بھی جاری کئے ہیں جس میں انہوں نے اعتراف کیا کہ یہ سب منصوبہ بندی کے تحت ہوا، پی ٹی آئی رہنما بھی گرفتار ہیں تو اس واقعہ کے بعد کئی رہنما پارٹی چھوڑ چکے ہیں
تحریک انصاف کے چیئرمین عمران خان نومئی واقعات کیس میں جے آئی ٹی کے سامنے جب پیش ہوئے تھے تو اسوقت جے آئی ٹی کے سوالات کے جواب میں عمران خان نے تسلیم کر لیا کہ نو مئی کا واقعہ منظم منصوبہ بندی کے تحت ہوا،لیکن منصوبہ بندی کہیں اور ہوئی تھی، عمران خان جے آئی ٹی کے اراکین کو دھمکیاں بھی دیتے رہے،میں پھر آؤں گا،آپکو تمام کاروائیوں کا جواب دینا ہو گا
میڈیا رپورٹس کے مطابق عمران خان سے جے آئی ٹی نے جو سوال کئے اور عمران خان نے جواب دیئے، اندرونی کہانی سامنے آئی،عمران خان سے جو سوال کئے گئے اس میں عمران خان نے سوالات کے جواب دئے ساتھ ہی دھمکی بھی لگاتے رہے، عمران خان جے آئی ٹی کے سامنے ایک گھنٹہ رہے، جے آئی ٹی ایک ڈی آئی جی، ایک ایس ایس پی اور 4 ایس پیز پر مشتمل تھی،
