دبئی :بس اللہ کے حضور دعائیں کریں،اللہ کومنظورہوا توان شااللہ ورلڈکپ جیت جائیں گے:اطلاعات کے مطابق قومی کرکٹ ٹیم کے وکٹ کیپر بیٹر محمد رضوان نے اپنے پیغام میں عوام سے دعاؤں کی درخواست کی ہے۔
محمد رضوان کی جانب سے ٹوئٹ میں کہا گیا کہ نظام چلانے والی ذات صرف اللہ پاک کی ہے، آپ کے خواب آپ کو اس وقت تک جگائے رکھیں جب تک وہ پورے نہ ہوجائیں۔
قومی کرکٹر نے عوام سے پاکستانی ٹیم کیلئے دعاؤں کی بھی درخواست کی ہے۔
یاد رہے کہ محمد رضوان پہلے بھی اپنے چاہنے والوں کواس بات کا درس دیتے آئے ہیں کہ جیت ، ہار،عزت اورذلت سب کا مالک ہمارا رب ہے اس لیے ہمیں کوشش کے ساتھ ساتھ اپنے رب سے امید رکھنی چاہیے
Nizaam chalane wali zaat sirf Allah Pak ki hai.
May your dreams keep you awake and push you out of your comfort zone, Amen.
Keep team Pakistan in your prayers. pic.twitter.com/It6SLCjCNY
— Muhammad Rizwan (@iMRizwanPak) November 4, 2021
ان کا یہ بھی کہنا تھا کہ اللہ کی مرضی کے سوا کچھ نہیں اورجس حال میں ہمیں اللہ رکھیں ہمیں اس پرراضی ہوجانا چاہیے پھر اللہ بھی ہم پرراضی ہوجائیں گے اورہمارے لیے راستے آسان ہوجائیں گے
یاد رہے کہ اس سے پہلے ایک اور موقع پرمحمد رضوان یہ بھی نصیحت کرچکے ہیں کہ جب جیت جائیں توخوشی کا اظہارکرتے وقت اس بات کا خیال رکھیں کہ یہ سب کچھ اللہ کی توفیق سے ہوا اورایسا کوئی کام یا انداز نہ اپنائیں جس سے تکبر یا بڑی شئے ہونے کا تصور پیدا ہوا ،کہیں ایسا نہ ہو کہ ہمارے اللہ ہم سے ناراض ہوجائیں
واضح رہے کہ پاکستان 2 نومبر کو ہونے والے میچ میں نمیبیا کو شکست دے کر ٹی ٹوئنٹی ورلڈکپ کے سیمی فائنل میں پہنچ گیا ہے جب کہ اب پاکستان 7 نومبر کو اسکاٹ لینڈ کیخلاف اپنا آخری گروپ میچ کھیلے گا۔