اہم خبریںتازہ ترین

بس حادثے میں 30 قیمتی جانوں کے ضیاع پر سخت صدمے میں مبتلا ہوں، وزیراعظم

4 سال قبل
4 سال قبل

اسلام آباد: بس حادثے میں 30 قیمتی جانوں کے ضیاع پر سخت صدمے میں مبتلا ہوں،اطلاعات کے مطابق وزیراعظم عمران خان نے ڈی جی خان بس حادثے پر گہرے دکھ کا اظہارکرتے ہوئے کہا کہ ڈی جی خان بس حادثے اور اس کے نتیجے میں 30 قیمتی جانوں کے ضیاع پر صدمے میں مبتلا ہوں،

ذرائع کےمطابق وزیراعظم عمران خان نے سماجی رابطوں کی ویب سائٹ ٹویٹرپر ایک ٹویٹ میں کہا ہے کہ راجن پور جانے والے بس کو ڈی جی خان کے قریب پیش آنے والے المناک حادثے اور اس کے نتیجے میں 30 افراد کی ہلاکت پر انتاہئی رنجیدہ اور صدمے سے دو چار ہوں-

انہوں نے اپنے ٹویٹ میں مزید لکھا کہ پنجاب حکومت کو مثائرہ خاندان کی مدد کرنے اور فوری سہارا فراہم کرنے کی ہدایات کر دی ہیں- میری تمام تر ہمدردیاں سوگوار خاندان کے ساتھ ہیں-

 

واضح رہے کہ ڈیرہ غازی خان میں خوفناک حادثے کا شکار ہونے والی بس سے متعلق اہم انکشافات سامنے آئے ہیں۔

میڈیا ذرائع نے بتایا کہ حادثے کا شکار بس تکنیکی اعتبار سے مس فٹ تھی۔ بس میں 48 مسافر وں کی گنجائش تھی جہاں 78 افراد سوار تھے۔ بس سے متعلق یہ انکشاف ٹیکنیکل اور فرانزک ٹیموں نے جائے وقوعہ پر متاثرہ بس کا معائنہ کرنے کے بعد کیا۔

بس حادثے سے متعلق آرپی او ڈیرہ غازی خان فیصل رانا نے میڈیا کو بتایا کہ واقعہ کا خطرناک پہلو یہ ہے کہ بس کا ایکسلریٹر ناکارہ تھا، ڈرائیور ریس کی تار ہاتھ سے پکڑ کر گاڑی چلارہا تھا ۔

Shares:

مزید خبریں