اب کچرا بھی آئے گاکام ،بنائے گا دام ، نئی ٹیکنالوجی نے کمالیا نام

دبئی :اب کچرا بھی آئے گاکام ،بنائے گا دام ، نئی ٹیکنالوجی نے کمالیا نام،اطلاعات کےمطابق دبئی ایکسپو میں 147 ٹن کچرے کی ری سائیکلنگ کر کے نئی اشیا تیار کی جا رہی ہے۔تفصیلات کے مطابق 2020 میں ہونے والے دبئی ایکسپو میں کچھ نئے ریکارڈ قائم کرنے جا رہا ہےجس میں مپنی ’ڈلسکو‘ بھی شرکت کر رہی ہے۔

دبئی سے ذرائع کےمطابق مشہورکمپنی ’ڈلسکو‘ نے بتایا کہ 2020 میں ہونے والے دبئی ایکسپو میں چھ ماہ کے دوران 147 ٹن کچرے کی ری سائیکلنگ کر کے نئی اشیا تیار کی جائیں گی۔ یہ ایکسپو دبئی کے دوران جمع ہونے والے یومیہ کچرے کا 85 فیصد حصہ ہو گا۔ایکسپو 2020 کا آغاز اکتوبر سے شروع ہوں گا۔ذرائع کے حوالے سے معلوم ہوا ہےکہ الامارات الیوم کے مطابق کچرے کی ری سائیکلنگ کر کے اشیا بنانے کی تیاری مکمل کر لی گئی ہے۔

ڈلسکو کمپنی کے چیئرمین نے کہا کہ ایکسپو 2020 اہم ترین نمائش ہے جس کو انٹرنیشنل ایکسپو کی تاریخ میں بے نظیر بنا دیا جائے گا۔کچرے کی ری سائیکلنگ کر کے قیمتی اشیا بنائی جائیں گی جس کے لیے عصری ٹیکنالوجی استعمال کی جائے گی۔چیئرمین کا کہنا ہے کہ ایکسپو 2020 کے دوران روزانہ 173 ٹن کچرا جمع ہو گا اور39فیصد کی ری سائیکلنگ ہو گی۔

واضح رہے کہ پلاسٹک کے فضلے کو ملبوسات اور تھیلوں میں تبدیل کیا جائے گا، جبکہ گلاس کے کچرے کو پلیٹوں اور بوتلوں میں تبدیل کرنے کا پروگرام ہے، علاوہ ازیں کچرے کے ڈھیر سے مختلف قسم کی کھاد تیار کی جائے گی۔اس سے قبل پاکستان میں متحدہ عرب امارات نے کہا تھا کہ دبئی ایکسپو 2020 دنیا کی بڑی تقریبات میں سے ایک ہو گی جس میں پاکستان پویلین پاکستانیوں کی دلچسپی کا مرکز رہے گا۔

تقریب سے خطاب میں پاکستان میں متحدہ عرب امارات کے سفیر نے کہا تھا کہ متحدہ عرب امارات میں موجود لاکھوں پاکستانیوں کو دنیا کے بڑے ایونٹ کا شدت سے انتظار ہے۔انہوں نے کہا تھا کہ دبئی ایکسپو میں پاکستان پویلین قائم کیا جاے گا جس سے پاکستان میں سرمایہ کاری میں اضافہ متوقع ہے۔