خاتون کی ٹریفک اہلکار کی جانب سے روکنے اور چالان کرنے پر بدتمیزی اور ہاتھا پائی، ویڈیو وائرل

لاہور: ایک خاتون کی ٹریفک اہلکار سے بدتمیزی اور ہاتھا پائی کی ویڈیو انٹرنیٹ پر تیزی سے وائرل ہو رہی ہے-

باغی ٹی وی :ٹریفک وارڈنز اور عام شہریوں کے درمیان چالان پر تلخ کلامی کی ویڈیو سوشل میڈیا پر وائرل ہو تی رہتی ہیں لیکن اب ایک خاتون کی ٹریفک اہلکار سے بدتمیزی اور ہاتھا پائی کی ویڈیو سامنے آئی ہے –

تفصیلات کے مطابق سوشل میڈیا پر وائرل ہو نے والی ویڈیو میں دیکھا جا سکتا ہے کہ خاتون مہنگی اور لگژری گاڑی ’ مرسیڈیز ‘ میں بیٹھی ہوئی ہے اور مزے سے ڈرائیو کرتے ہوئے آ رہی ہے ، نمبر پلیٹ جعلی ہونے پر وارڈن انہیں رکنے کیلئے اشارہ کرتاہے۔

امیروں کے لیۓ قانون ایک اور عام عوام کے لۓ دوسرا قانون – عورت شکایت کرے تو فورا FIR اور اگر عورت پولیس والے کو گریبان سے پکڑے تو سارا سسٹم چپ کیونکہ وہ ایک امیر زادی ہے – اسکا جواب کون دے گا @ICT_Police @ITP_Police @DigIslamabad @ICTA_GoP @arsched pic.twitter.com/BWwhLHKzC2

— Ansar Malak (@AnsarMalak1) July 16, 2021

گاڑی رکنے پر ٹریفک اہلکار خاتون سے ڈرائیونگ لائسنس یا گاڑی کی بک کا مطالبہ کرتا ہے اور کہتاہے کہ کچھ دن پہلے بھی آپ کو تنبیہ کی تھی کہ اپنی نمبر پلیٹ تبدیل کریں اور اصلی لگائیں لیکن جب آپ کو آج دوبارہ روکا گیا تو آپ نے گاڑی بھی نہیں روکی ۔

ویڈیو میں وارڈن خاتون سے پوچھتا ہے کہ گاڑی کی اصلی پلیٹس کہاں پر ہیں جو ایکسائز سے جاری ہوتی ہیں ؟ خاتون جواب دیتی ہے کہ وہ بننے کیلئے گئی ہیں

ٹریفک اہلکار خاتون سے ڈرائیونگ لائسنس لینے کے بعد دوسرے اہلکار کو چالان کرنے کیلئے دیتا ہے اور خود گاڑی کی جعلی نمبر پر توڑ کر اتار لیتا ہے ، خاتون یہ دیکھ کر گاڑی سے باہر نکلتی ہے اور چلانے لگتی ہے-

وارڈن خاتون سے ہاتھا پائی نہ کرنے کی درخواست کرتے ہوئے کہتاہے کہ یہ مت کریں آپ خاتون ہیں اس لیے حد میں رہیں ، لیکن خاتون باز نہیں آتی اور مسلسل ٹریفک اہلکار پر ہاتھ اٹھاتی دکھائی دیتی ہے یہاں تک کہ وہ وارڈن سے موبائل فون بھی چھین کر نیچے پھینک دیتی ہے ۔