کالعدم علیحدگی پسند تنظیم کے دو دہشتگرد ہلاک جبکہ دو دہشتگرد گرفتار

کالعدم علیحدگی پسند تنظیم کے دو دہشتگرد ہلاک جبکہ دو دہشتگرد گرفتار

کراچی میں ہونے والے حالیہ دہشت گردی کے واقعات میں ملوث دہشت گردوں کے خلاف کاونٹرٹیررازم ڈپارٹمنٹ سندھ کا انٹلیجنس بیسڈ آپریشن کے دوران کالعدم سندھ علیحدگی پسند تنظیم سندھ ریولوشنری آرمی SRA کے دو دہشتگرد ہلاک جبکہ دو دہشت گردوں کو گرفتار کر لیا گیا گرفتار ملزمان سے دھماکہ خیز مواد اور اسلحہ بھی برآمد ہوا،جبکہ کارروائی کی دوران ایک دہشت گرد فرار ہونے میں کامیاب ہو گیا،

کراچی میں حالیہ دہشت گردی کے واقعات کے پیش نظر ایڈیشنل آئی جی سی ٹی ڈی سندھ کے احکامات پر اسپیشل ٹیمیں تشکیل دی گئی جس کے تحت جدید ٹیکنیکی اور انٹلیجنس زرائع کو استعمال کرتے ہوئے کالعدم سندھ علیحدگی پسند تنظیم سندھ ریولوشنری آرمی SRA کے نیٹ ورک کو بریک کیا اور کراچی کے علاقے صدر میں ہونے والے بم دھماکہ میں ملوث دہشت گردوں کا سراغ لگاتے ہوئے گزشتہ روز کراچی کے علاقے پانچ سوکوارٹر روڈ، موچکو تھانہ کی حدود میں SRA کمانڈر اصغر شاہ کی ہدایت پر دھماکہ خیز مواد اور دیگر آلات کو محفوظ مقام پر منتقل کرنے کے غرض سے نکلنے والے تین دہشتگردوں کو موٹر سائیکل پر جاتے ہوئے پایا جس پر انہیں روکنے کی کوشش کی تو موٹر سائیکل سوار ملزمان نے پولیس پارٹی پر فائرنگ شروع کردی جوابی فائرنگ کے نتیجے میں دو دہشتگرد ہلاک ہوگئے جبکہ ایک موٹر سائیکل سوار فرار ہونے میں کامیاب ہو گیا. ہلاک دہشت گردوں کی شناخت اللہ ڈینو ولد نواب علی اور نواب علی ولد امیر علی کے ناموں سے ہوئی ہے

ہلاک ملزمان کا تعلق کالعدم سندھ علیحدگی پسند تنظیم سندھ ریولوشنری آرمی SRA کے اصغر شاہ گروپ سے ہے جبکہ ہلاک دہشتگرد ضلع تھرپارکر سندھ کے رہائشی ہے اور دہشتگردی کی کارروائیوں کے لئے فنڈز SRA کی طرف سے بزریعہ جیز کیش اکاؤنٹ سے مبلغ 178000 روپے وصول کئے تھے جوکہ کراچی اور سندھ کے دیگر اضلاع میں دہشت گرد کارروائیوں میں استعمال کرتے تھے جبکہ ہلاک دہشتگرد اللہ ڈینو کے خلاف تھانہ بھٹ شاہ، ضلع حیدرآباد میں مقدمہ نمبر 131/2021 میں ملکی سالمیت کے خلاف مجرمانہ سازش میں بھی گرفتار ہوا تھا اور ضمانت پر تھا ہلاک دہشتگرد اللہ ڈینو بم بنانے میں ماہر تھا جس نے پڑوسی ملک ایران میں ٹریننگ حاصل کی تھی ہلاک دہشت گرد سندھ کے مختلف اضلاع میں ریلوے ٹریک کو تباہ کرنے میں بھی ملوث تھا

دہشتگرد اللہ ڈینو کا رابطہ سندھ علیحدگی پسند تنظیم سندھ ریولوشنری آرمی SRA کے اصغر شاہ، عاقب چانڈیو اور نور چانڈیو سے تھا اصغر شاہ اور اللہ ڈینو کے درمیان ہونے والی گفتگو کو جدید ٹیکنیک کے زریعے ٹریک کیا گیا تھا جسکے بعد کامیاب کارروائی عمل میں لائی گئی جبکہ ہلاک دہشتگرد نواب علی، اللہ ڈینو کا سہولت کار اور مددگار تھا، فرار ہونے والے ملزم کی تلاش کا عمل جدید ٹیکنالوجی اور خفیہ اطلاعات کی روشنی میں جاری ہے اس سلسلے میں مختلف مقامات پر IBOs جاری تھے کہ اسی نیٹ ورک کے مزید دو دہشتگرد بنام محمد صابر ولد آفتاب حسین اور ندیم علی مغیری ولد عبدالمجید مغیری کو گولابارود اور اسلحہ سمیت گرفتار کر لیا گیا ہے جن سے مزید تفتیش جاری ہے گرفتار ملزمان سے سنسنی خیز انکشافات متوقع ہیں.

سی پیک کیخلاف بھارتی عزائم،مبشر لقمان کے اگست میں کئے گئے تہلکہ خیز انکشافات کی وزیر خارجہ نے کی تصدیق

کراچی دھماکا، خاتون خود کش بمبار نے کیا، کالعدم تنظیم نے ذمہ داری قبول کر لی

چینی باشندوں کی جان لینے والوں کو پھانسی کے پھندے پر لٹکائیں گے،

کراچی یونیورسٹی میں ایک خاتون کا خودکش حملہ:کئی سوالات چھوڑگیا،

پاکستان میں تعینات چینی ناظم الامور مس پینگ چَن شِیؤکی وزیر داخلہ رانا ثناءاللہ سے ملاقات ہ

کراچی کی مچھر کالونی کی سن لی گئی،سی پیک سے متعلق سست روی کا تاثر غلط ہے،خالد منصور