Home›بین الاقوامی›کنگنا رناوت کا بالی وڈ اداکاروں کے منشیات کے ٹیسٹ کرانے کا مطالبہ

کنگنا رناوت کا بالی وڈ اداکاروں کے منشیات کے ٹیسٹ کرانے کا مطالبہ

ستمبر 3, 2020

بالی وڈ میں آئے دن نت نئے تنازعات کھڑا کرنے کے باعث اسکینڈل گرل کے نام جانی جانے والی اداکارہ کنگنا رناوت نے اداکار رنویر سنگھ اور رنبیر کپور پر منشیات کا استعمال کرنے کا الزام عائد کرتے ہوئےانہیں منشیات کے ٹسیٹ کرانے کا مطالبہ کر دیا-

باغی ٹی وی : بالی وڈ اداکار سوشانت سنگھ راجپوت کی خودکشی کے بعد سے اسکینڈل میں گھرے رہنے والی اداکارہ کنگنا رناوت کی جانب سے بھی نئے نئے انکشافات سامنے آرہے ہیں۔

سماجی رابطے کی ویب سائٹ ٹوئٹر پر اداکارہ کنگنا رناوت نے ایک ٹوئٹ کرتے ہوئے لکھا کہ میں رنویر سنگھ، رنبیر کپور، ایان مکرجی اور وکی کوشک سے درخواست کرتی ہوں کہ وہ منشیات کے ٹیسٹ کے لیے اپنے خون کے نمونے دیں۔

اداکارہ نے لکھا کہ افواہیں گردش کررہی ہیں کہ یہ چاروں کوکین کے عادی ہیں جبکہ میں چاہتی ہوں کہ یہ چاروں ٹسیٹ کروا کر اپنی صاف رپورٹ پیش کرکے ان افواہوں کی تردید کریں۔

سوشانت خودکشی کیس میں منشیات استعمال کرنے کا انکشاف سامنے آنے کے بعد اداکارہ کنگنا رناوت نے اس سے متعلق دیگر بالی وڈ اسٹارز کے اہم راز بھی افشاں کئے ہیں۔

بھارتی میڈیا رپورٹس کے مطابق سوشانت سنگھ کی گرل فرینڈ اور اداکارہ ریا چکرورتی جنہیں سوشانت کی موت کا ذمہ دار قرار دیا جا رہا ہے اُن کے انٹرویو کے بعد کنگنا نے بالی وڈ انڈسٹری میں منشیات کے استعمال کے حوالے سے بات کی ہے۔

اداکارہ کنگنا رناوت نے دعویٰ کیا ہے کہ انہوں نے بالی وڈ میں ایسے کئی اداکار دیکھے ہیں جو نشہ کرتے ہیں کنگنا رناوت نے بتایا کہ میری عمر کے کئی اداکار اکیلے نشہ کرتے ہیں اور یہی وہ لوگ ہیں جو منشیات فروش ہیں اور سب کچھ منظم طریقے سے سنبھال رہے ہیں۔

اداکارہ نے ایک ٹی وی چینل سے بات کرتے ہوئے انکشاف کیا کہ نہ صرف اداکار بلکہ ساتھ ہی اُن کی بیویاں بھی اس قسم کی پارٹیز کی میزبانی کرتی ہیں ان کی پارٹیوں کا ایک منفرد ماحول ہوتا ہے جہاں صرف نشہ کرتے اور دھوکے باز لوگ پائے جاتے ہیں۔

انہوں نے کہا دوسری جانب ایسے بھی اداکار ہیں جوکھلے عام یہ تسلیم کرتے ہیں کہ وہ نشہ کرتے ہیں تاہم یہی وہ لوگ ہیں جو اقربا پروری کی تشہیر کرتے ہیں بچپن سے نشے کے عادی ہوتے ہیں اور پھرا سٹار اور ڈائریکٹر بن جاتے ہیں اُن میں سے وہ ایک اداکار کے ساتھ ڈیٹ بھی کرچکی ہیں۔

کنگنا رناوت نے یہ بھی انکشاف کیا کہ کئی حکومتوں نے تو بالی وڈ ڈرگ مافیا کو چڑھانے میں خوب مدد بھی کی ہے اور یہ سب ایک دوسرے کو جانتے ہیں دونوں ہی منشیات فروشی میں ملوث ہیں۔

انہوں نے کہا کہ حال ہی میں ان میں سے کچھ کی حقیقت کو تو ایک فلم میں بھی دکھایا گیا تھا لیکن افسوس کے سچ کو اس میں سے مٹا دیا گیا لہٰذا میرا سوال یہ ہے کہ ایسے لوگ کیسے اچھے تصور کیے جاسکتے ہیں-

واضح رہے کہ بالی وڈ کے نوجوان اداکار سوشانت سنگھ راجپوت نے رواں ماہ 14 جون کو ممبئی کے علاقہ باندرہ میں اپنی رہائش گاہ پر خود کُشی کر کے اپنی زندگی کا خاتمہ کر لیا تھا۔خود کشی کی وجہ اداکار کو ذہنی ڈپریشن میں مبتلا قراردیا تھا تاہم اداکار کی موت کی تحقیقات تو ابھی تک جاری ہے لیکن اب تک خودکشی کرنے کی کوئی اور وجہ سامنے نہیں آئی اور اب اُن کی خودکشی کی وجوہات جاننے کے لیے بھارت کی مرکزی تفتیشی ایجنسی سینٹرل بیورو انویسٹی گیشن (سی بی آئی) اس معاملے کی تفتیش کر رہی ہے۔

اداکارہ کنگنا رناوت نے سوشانت سنگھ کی افسوسناک موت کے حوالے سے فلم انڈسٹری کی جانب سے پھیلائے گئے پروپیگنڈے کو بے نقاب کردیا

سوشانت سنگھ کی موت کی ذامہ دار بالی وڈ انڈسٹری ہے بھارتی عوام