کاشانہ کیس، ن لیگ بھی میدان میں آ گئی، عظمیٰ بخاری نے بڑا مطالبہ کر دیا

کاشانہ کیس، ن لیگ بھی میدان میں آ گئی، عظمیٰ بخاری نے بڑا مطالبہ کر دیا

باغی ٹی وی کی رپورٹ کے مطابق مسلم لیگ (ن) پنجاب کی ترجمان عظمیٰ بخاری نے کاشانہ ہاوس کی سپر ٹینڈنٹ کے انکشافات پر اظہار تشویش کیا ہے، عظمیٰ بخاری نے کہا ہے کہ افشاں لطیف نے حکومتی وزراءاور اعلیٰ شخصیات پر سنگین الزامات لگائے ہیں،افشاں لطیف نے حکومتی کارندوں کو بے نقاب کیا تو ان کاتبادلہ کرنے کےآڈر جاری کردیے گئے،کاشانہ ہاوس اور دالامان میں بچیوں کے ساتھ انسانیت سوز سلوک کیا جا رہا ہے،سیاہ کاریوں میں حکومتی شخصیات کا ملوث ہونابزدار سرکار کےلئے انتہائی شرمندگی کا باعث ہے.

کم عمر بچیوں کی شادی نہ کروانے پر کاشانہ کی سپرنٹنڈنٹ کے ساتھ کیا سلوک کیا گیا؟

عظمیٰ بخاری نے مزید کہا کہ کاشانہ ہاوس کی سپر ٹینڈنٹ کے انکشافات کی شفاف تحقیقات کی جائیں،افشاں لطیف نے کہا کہ افشاں کرن اور صوبائی وزیر اجمل چیمہ کم عمر بچیوں کی شادی کا کہتے ہیں،کاشانہ ہاوس کی بچیوں کو غلط کاریوں کےلئے بھی استعمال کا انکشاف ہوا ہے،نئے پاکستان میں بے سہارا اور لاچار بچیاں بھی غیر محفوظ ہو چکی ہیں.

اس قوم کے بخت سنورگئے جس نے درخت لگا ئے:افشاں لطیف

پنجاب کے صوبائی دارالحکومت لاہور میں یتیم کمسن بچیوں کی شادی نہ کروانے کے جرم میں کاشانہ کی سپرینڈنٹ افشاں لطیف کو گرفتار کر لیا گیا، گرفتاری کے وقت افشاں لطیف نے اپنے ایک ویڈیو پیغام میں کہا کہ مجھے شوہر سمیت گرفتار کیا جا رہا ہے۔مجھے نہیں معلوم اب مجھے کہا لے کر جایا جائے گا اب یہ بچیاں آپ سب کی ذمہ داری ہیں۔

کاشانہ کی بیٹیوں کی پرخلوص دعاﺅں نے وزیراعلیٰ پنجاب کوحادثہ سے بچالیا ،افشاں لطیف

وزیراعلیٰ پنجاب سردار عثمان بزدار نے سوشل میڈیا پر کا شانہ کے بارے میں وائرل ہونے والی ویڈیوکے معاملہ کا سخت نوٹس لیتے ہوئے صوبائی سیکرٹری سوشل ویلفیئر سے رپورٹ طلب کر لی ہے-وزیراعلیٰ نے حکم دیاہے کہ معاملے کی ہر پہلو سے انکوائری کی جائے اور الزامات کی مکمل چھان بین کر کے حقائق منظر عام پر لائے جائیں -وزیراعلیٰ نے کہاکہ تحقیقات میں جو بھی قصوروار ہوا اس کے خلاف بلاامتیاز کارروائی ہوگی- کاشانہ میں رہائش پذیر بچیو ں کومکمل تحفظ دیں گے اور میں بے آسرا بچیوں کے ساتھ ناروا سلوک کسی صورت برداشت نہیں کروں گا-