مقبوضہ کشمیر، پال ملک نے بھی دی پاکستان کو سرجیکل اسٹرائیک کی دھمکی

مقبوضہ جموں و کشمیر کے کٹھ پتلی گورنر ستیہ پال ملک نے پاکستان کو ایک اور سرجیکل اسٹرائیک کی دھمکی دی ہے اور کہا کہ یکم نومبر سے نیا کشمیر ہو گا۔

اصلی سرجیکل اسٹرائیک نہ سہی، فرضی ویڈیو ہی بنا ڈالی

بھارتی میڈیا کے مطابق ستیہ پال ملک نے پاکستان کو مخاطب کرتے ہوئے کہا کہ ‘اگر اپنا رویہ درست نہیں کیا تو پھر گولہ باری کی جائے گی’۔

گورنر ملک نے پاکستان کو ایک اور سرجیکل اسٹرائیک کی دھمکی دیتے ہوئے کہا کہ ‘پاکستان کو اچھا برتاو کرنا چاہئے۔ اگر پاکستان ایسا نہیں کرتا تو ہم پھر وہی کریں گے جو ہم نے کل کیا تھا۔ ہم ’دہشت گردوں‘ کے کیمپوں کو تباہ کردیں گے اور اگر وہ اچھا برتاو¿ نہیں کرتے تو ہم وہاں جاکر تباہ کردیں گے۔’

پاکستان پر سرجیکل اسٹرائیک، یوپی کے وزیراعلیٰ بھی بول پڑے

واضح رہے کہ بھارتی فضائیہ کے سربراہ ایئر چیف مارشل راکیش کمار سنگھ بھدوریا نے سالانہ ’ایئر فورس ڈے‘ کے موقع پر ایک فرضی ویڈیو جاری کی جس میں پاکستان کے شہر بالاکوٹ میں کی گئی سرجیکل اسٹرائیک کی کہانی بیان کی ہے۔

مودی نے ایک بار پھر کی سرجیکل اسٹرائیک کی بات

ویڈیو کے مطابق پلوامہ میں سی آر پی ایف قافلہ پر حملہ کے بعد ملک بھر میں شدید غم و غصہ تھا۔ حملہ کے جواب میں بھارتی فضائیہ نے بالاکوٹ میں سرجیکل اسٹرائیک کا منصوبہ تیار کیا۔بعدازاں فضائیہ کے جنگی طیاروں نے بالاکوٹ میں واقع جیش محمد کے ٹھکانوں پر بمباری کر کے انہیں تباہ کر دیا۔ ویڈیو میں دکھایا گیا ہے کہ سرجیکل سٹرائیک کے اگلے دن پاکستان نے (27 فروری) کو بھارتی فضائی حدود میں گھسنے کی کوشش کی لیکن بھارتیوں نے ان کو باہر کر دیا۔

واضح رہے کہ بھارت نے رواں سال فروری کے مہینے میں بھی پاکستانی شہر بالاکوٹ پر سرجیکل اسٹرائیک کا دعوی کیا تھا جسے پوری دنیا نے جھٹلا دیا تھا۔ بھارت نے مبینہ سرجیکل اسٹرائیک کے دوران ایک جہادی کیمپ اور 300نوجوانوں کے جاں بحق ہونے کا دعوی کیا تھا لیکن بھارت اپنے اس دعوی کے ثبوت میں ایک بھی تصویر تک پیش نہیں کر سکا۔ بھارت نے اس حملہ کے دوران بالاکوٹ میں کچھ درختوں کو تباہ کر دیا تھا۔ تاہم پاکستان نے 27فروری کو بھارت کے دو طیارے مار گرائے اور ایک پائلٹ کو زندہ گرفتار کیا تھا۔