کشمیر میں ادویات،خوراک کی قلت، عالمی برادری توجہ دے، ترجمان دفتر خارجہ

0
37

ترجمان دفتر خارجہ ڈاکٹر محمد فیصل نے کہا ہے کہ کشمیرمیں ادویات اورخوراک کی شدید قلت پیدا ہو چکی ہے، مقبوضہ کشمیر کو ایک جیل میں بدل دیا گیا ہے ،پاکستان میں داعش کا وجود نہیں ،ہماری خواہش اورکوشش ہے کہ کرتار پورسرحد اپنے وقت پرکھل جائے، عالمی برادری مقبوضہ کشمیرکی صورتحال پرتوجہ دے،

امریکی صدر ڈونلڈ ٹرمپ اور افغان طالبان کب پاکستان آئیں گے؟ ترجمان دفتر خارجہ نے بتا دیا

باغی ٹی وی کی رپورٹ کے مطابق ترجمان دفتر خارجہ ڈاکٹر محمد فیصل نے ہفتہ وار بریفنگ میں کہا کہ مقبوضہ کشمیرمیں انٹرنیٹ سمیت ابلاغ کے تمام ذرائع بند ہیں ،مقبوضہ کشمیر کو تاریخ کی سب سے بڑی جیل بنا دیا گیا، مقبوضہ کشمیر میں آج کرفیواوربلیک آؤٹ کا 19واں دن ہے، بھارت نے 20 اگست کو ایل او سی پر بلااشتعال فائرنگ کی، بلااشتعال بھارتی فائرنگ سےایک شہری شہید ہوا،

ڈومور ذہن سے نکال دیں،ٹرمپ نے دورہ پاکستان کی دعوت قبول کی، ترجمان دفتر خارجہ

ترجمان دفتر خارجہ کا مزید کہنا تھا بھارتی ڈپٹی ہائی کمشنرکو 4 بارطلب کیاگیا ،بھارتی جارحیت سےخطے کےامن کو خطرات لاحق ہیں،مقبوضہ کشمیر میں حال ہی میں چارکشمیریوں شہید کردیا گیا، مقبوضہ کشمیر کو ایک جیل میں بدل دیا گیا ہے،مقبوضہ کشمیر میں انسانی المیہ جنم لےرہا ہے عالمی برادری نوٹس لے،دنیا کشمیریوں کی جسمانی اور ذہنی اذیت کا اندازہ نہیں لگا سکتی، امریکی صدر ٹرمپ کے رابطے مسئلہ کشمیر کےحوالے سے ان کی دلچسپی کے عکاس ہیں، وزیراعظم کی صدرٹرمپ سےصورتحال پر 2باربات ہوئی، 9لاکھ سے زائدبھارتی افواج کشمیرمیں مظالم میں مصروف ہیں،کشمیرمیں ادویات اورخوراک کی شدید قلت پیدا ہو چکی ہے،

بھارت کا کوئی بھی یکطرفہ قدم کشمیر کی متنازعہ حیثیت ختم نہیں کرسکتا، ترجمان دفترخارجہ

ڈاکٹر محمد فیصل نے مزید کہا کہ پاکستان میں داعش کا وجود نہیں، ہمسائے ملک میں داعش کی موجودگی پر تشویش ہے،پاکستان نے جلال آباد دھماکے کی مذمت کی، متحدہ عرب امارات کا مودی کوایوارڈ سےنوازنا ان کااندرونی معاملہ ہے،ہماری خواہش اورکوشش ہے کہ کرتار پورسرحد اپنے وقت پرکھل جائے،

ترجمان دفتر خارجہ نے مزید کہا کہ وزیرخارجہ نےمختلف ممالک کے اپنے ہم منصبوں سے رابطے کیے ،شاہ محمود قریشی نے انہیں مقبوضہ کشمیرکی صورتحال پراعتماد میں لیا ،عالمی رہنماؤں سے کشمیر میں جاری بھارتی مظالم بند کرانے کا کہا گیا، مقبوضہ جموں وکشمیرپرپاکستان کا موقف اصولی ہے جس میں کوئی تبدیلی نہیں آئی ،

Leave a reply