کشمیری مجاہدین ریاض نائیکو و دیگر کی غائبانہ نماز جنازہ ادا کرنیکی سراج الحق نے کی اپیل

کشمیری مجاہدین ریاض نائیکو و دیگر کی غائبانہ نماز جنازہ ادا کرنیکی سراج الحق نے کی اپیل

باغی ٹی وی کی رپورٹ کے مطابق امیر جماعت اسلامی سینیٹر سراج الحق نے قوم سے اپیل کی ہے کہ مقبوضہ کشمیر میں بھارتی فوج کے ہاتھوں شہید ہونے والے کشمیری مجاہدین ریاض نائیکو و دیگر کی غائبانہ نماز جنازہ ادا کی جائے

سینیٹر سراج الحق نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ قوم بالخصوص ائمہ مساجد سے اپیل کرتا ہوں ،جمعرات کو بعد نماز ظہر ملک بھر میں ریاض نیکو اور دیگر شہدائے کشمیر کے لیے غائبانہ نماز جنازہ ادا کی جائے۔

سراج الحق کا مزید کہنا تھا کہ جامع مسجد منصورہ لاہور میں بھی کشمیری شہداءٰ کے غائبانہ نماز جنازہ کا اہتمام کیا جائے گا۔

قوم بالخصوص ائمہ مساجد سے اپیل کرتا ہوں
جمعرات کو بعد نماز ظہر ملک بھر میں ریاض نیکو اور دیگر شہدائے کشمیر کے لیے غائبانہ نماز جنازہ ادا کی جائے۔ جامع مسجد منصورہ میں بھی اس کا اہتمام کیا جائے گا۔

— Siraj ul Haq (@SirajOfficial) May 6, 2020

سراج الحق کا مزید کہنا تھا کہ مسلمان شہادت سےمرتا نہیں، قرآن کےمطابق زندہ ہوتا ہے۔ ریاض نیکو ہمیشہ کےلیے امر ہوگئے۔ بھارت جتنےبھی مسلمانوں کو شہید کرے، کتنا ہی ظلم و جبر کےپہاڑ توڑے،اہل کشمیر کا جذبہ آزادی فنا نہیں بلکہ مزید توانا ہوگا۔برہان وانی اور ریاض نیکو کی شہادت آزادی پسندوں کےلیے حریت کا استعارہ رہےگی.

بھارتی جارحیت خطے کے امن وسلامتی کوتباہ کرسکتی ہے، وزیراعظم کا دنیا کو انتباہ

کشمیریوں کے ساتھ کھڑے تھے ،ہیں اور رہیں گے، پاک فوج کا کشمیریوں‌ کو پیغام

‏اسرائیل کو تسلیم کرنے سے متعلق باتیں پروپیگنڈا ہے. ڈی جی آئی ایس پی آر

یہ سوچ بھی کیسے سکتے ہیں کہ کشمیر پر کسی قسم کی کوئی ڈیل ہوئی، ڈی جی آئی ایس پی آر

مغربی اور مشرقی سرحد پر فوج مستعد ،قوم کا دفاع ہر صورت کریں گے، ترجمان پاک فوج

واضح رہے کہ گزشتہ روز بھارتی فوج نے حزب المجاہدین کے کمانڈر ریاض نائیکو کو انکے دیگر ساتھیوں کے ہمراہ شہید کر دیا تھا، کشمیری حریت رہنماؤں محمد اشرف، عمر عادل ڈار، یاسمین راجہ، محمد یوسف نقاش، مسلم لیگ، پیپلز لیگ، طلبہ سمیت دیگر بڑی تعداد نے شہید ہونے والے کشمیری حریت پسندوں ریاض نائیکو اور عادل احمد کو بھی خراج تحسین پیش کیا۔

مقبوضہ کشمیر، ریاض نائیکو کے ہمراہ حریت رہنما کے بیٹے کو بھی بھارتی فوج نے کیا شہید