fbpx

قصور میں سرکاری سکولوں کے بچے ابھی تک کتابوں سے محروم

قصور
بیشتر سرکاری سکولوں میں ابھی تک طلبہ و طالبات کو کتابیں نا مل سکیں،والدین کو بازار سے خریدنے کی ہدایت

تفصیلات کے مطابق قصور ضلع بھر کے بیشتر سرکاری سکولوں میں ابھی تک نئی کلاسوں میں جانے والے طلبہ و طالبات کو کتابیں نہیں دی گئیں

واضع رہے کہ سرکاری سکولوں کے بچوں نے موسم گرما کی چھٹیاں بغیر کتابوں اور ہوم ورک کے گزاریں ہیں اور کتابوں بارے بار بار پوچھنے پر بچوں کو کہا گیا ہے کہ اپنے والدین سے کہیں کہ نصاب کی کتابیں بازار سے خریدیں
خاص کر گورنمنٹ گرلز ہائی سکول کھارا میں کلاس ہشتم اور ہفتم کو کتابیں نہیں دی گئیں
بچوں کا ساری چھٹیاں بغیر ہوم ورک کے گزارنا اور اب سکول کھلنے پر بھی کتابیں نا ملنا بہت بڑا لمحہ فکریہ ہے کیونکہ دو سال سے بوجہ کرونا وبا بچوں کی پڑھائی بہت متاثر ہوئی ہے اور اب اوپر سے گورنمنٹ کی نااہلی کے باعث بچوں کی تعلیم کا بے تحاشہ نقصان ہو رہا ہے
والدین نے ڈی سی قصور،کمشنر لاہور ڈویژن ،صوبائی وزیر تعلیم اور وزیر اعلی پنجاب سے نوٹس لینے کی اپیل کی ہے