پنجاب اسمبلی ہنگامہ آرائی کے دوران زخمی ہونیوالی خاتون ایم پی اے کی حالت تشویشناک

پنجاب اسمبلی میں ہنگامہ آرائی کے دوران تشدد سے زخمی ہونے والی خاتون رکنِ اسمبلی آسیہ امجد کی حالت تشویشناک ہوگئی ہے

چکوال سے تعلق رکھنے والی زخمی خاتون ایم پی اے آسیہ امجد موت و حیات کی کشمکش میں مبتلا ہیں آسیہ امجد چیئرپرسن پارلیمانی کمیٹی برائے ہائیر ایجوکیشن ہیں انہیں تین روز قبل گردن میں اسٹریس کے باعث نجی اسپتال منتقل کیا گیا تھا جہاں ڈاکٹرز سے حالت کو دیکھتے ہوئے راولپنڈی ایم اے ایچ اسپتال ریفر کردیا۔ راولپنڈی ایم اے ایچ اسپتال میں ڈاکٹر نے معائنے کے بعد بتایا کہ آسیہ امجد کے دماغ میں خون جم گیا ہے، جس کے باعث اُن کی اینجوگرافی کی گئی، جس پر اُن کی طبیعت نہ سنبھل سکی اور وہ کوما میں چلی گئیں

ڈاکٹرز کے مطابق خاتون ایم پی اے آسیہ امجد اس وقت ایم ایچ اسپتال میں وینٹی لیٹر پر ہیں اور وہ مشینی سانس پر ہی زندہ ہیں ڈاکٹرز نے اُن کی طبیعت کو انتہائی تشویشناک قرار دیا ہے

نایاب زہرا پی اے آسیہ امجد کا کہنا ہے کہ رکن پنجاب اسمبلی آسیہ امجد اس وقت وینٹیلیٹر پر ہے اور بے ہوش ہے، رکن پنجاب اسمبلی آسیہ امجد کے لیے دعاؤں کی اپیل کرتی ہوں

واضح رہے کہ پنجاب اسمبلی میں تحریک انصاف اور ق لیگ کے ارکان نے ڈپٹی سپیکر پر حملہ کیا تھا ڈپٹی اسپیکر پنجاب اسمبلی پر حکومتی اراکین نے حملہ کر دیا ،حکومتی اراکین کی جانب سے ڈپٹی اسپیکر کے بال نوچے گئے، اراکین کی جانب سے ڈپٹی سپیکر کو تھپڑ بھی مارے گئے،ڈپٹی سپیکر کو لوٹے مارے گئے پنجاب اسمبلی کی پولیس ڈپٹی سپیکر کو حفاظت کے لیے اٹھا کے دوبارہ اندر لے گئی تھی، بعد میں اجلاس شروع ہونے سے قبل دوبارہ ہنگامہ ہوا اور ڈپٹی سپیکر نے پولیس کو طلب کر لیا تھا، اس دوران پولیس اور اراکین اسمبلی میں شدید ہنگامہ آرائی ہوئی تھی، اراکین اسمبلی نے پولیس اہلکاروں پر تشدد بھی کیا تھا، خواتین اراکین اسمبلی کی جانب سے پولیس اہلکاروں کے بال کھینچے گئے تھے جس کی ویڈیوز اور تصاویر سوشل میڈیا پر وائرل ہو چکی ہیں

پنجاب اسمبلی میں حملے کا مقدمہ بھی درج کیا گیا تھا،مقدمہ تھانہ قلعہ گجر سنگھ میں درج کیا گیا ہے، مقدمہ سارجنٹ ایٹ آرم، ڈی ایس پی شہزاد منظور کی مدعیت میں کچھ اہم پی ایز اور نامعلوم حملہ آوروں کے خلاف درج کیا گیا ہے مقدمہ کچھ ایم پی ایز کے خلاف ڈپٹی سپیکر سردار دوست محمد مزاری کو مکوں اور تھپڑوں سے تشدد کا نشانہ بنانے،لوٹے پھینکنے، ڈپٹی سپیکر پر جان لیوا حملے،ایوان کا تقدس پامال کرنے، اجلاس کی کارروائی روکنے جبکہ مہمان گیلری سے نامعلوم اشخاص کے داخل ہو کرایم پی ایز کو ذدوکوب کرنے اور اسمبلی تنصیبات کو نقصان پہنچانے کے الزامات کے تحت درج کیا گیا ہے

تین دفعہ شریفوں نے وعدے لئے جو کبھی پورے نہ ہوئے،پرویز الہیٰ پھٹ پڑے

ہماری آفر پرویز الہیٰ نے مانی،دعا خیر کی پھر عمران کی چوکھٹ پر سجدہ ریز ہو گئے،خواجہ آصف

پنجاب اسمبلی میں دوبارہ جھگڑا ،پرویز الہیٰ بھی زخمی ہو گئے

پنجاب اسمبلی اجلاس، تصادم کے بعد پی ٹی آئی کا بائیکاٹ

زخمی ہونے کے بعد پرویز الہیٰ کی ہاتھ اٹھا کر بددعا، ویڈیو وائرل

حکومت کے ہاتھ پاؤں پھول گئے، شہزاد اکبر کو کیوں نکالا؟

عمران خان کے مشیر بیرون ملک روانہ

میری جان سے زیادہ پاکستان کی آزادی ضروری ، فوری الیکشن چاہتے ہیں ، عمران خان

کراچی جانے کیلئے عمران خان کو جہاز کس نے دیا؟ بحث چھڑ گئی

این اے 33 ہنگو،ضمنی انتخابات، پولنگ جاری،سیکورٹی سخت

پنجاب اسمبلی، ہنگامہ آرائی کا مقدمہ درج

ایسی کون سی دوائی ہے جس سے 24 گھنٹوں میں ٹوٹا ہوا ہاتھ ٹھیک ہوگیا؟ حمزہ شہباز