لاہور:’خورشید شاہ بھی نوازشریف اورزرداری کی طرح ایک نیک آدمی ہیں‘:خواجہ آصف نے سرٹیفکیٹ جاری کردیا،اطلاعات کے مطابق مسلم لیگ ن کے سینئر رہنما خواجہ آصف کا کہنا ہے کہ خورشید شاہ بھی نوازشریف ، آصف علی زرداری کی طرح ایک ایک نیک آدمی ہیں۔
ذرائع کے مطابق مسلم لیگ ن کے رہنما خواجہ آصف نے عشائیے سے خطاب کرتے ہوئے کہا کہ پیپلزپارٹی رہنما خورشید شاہ ایک نیک آدمی ہیں، ان کے اسمبلی میں آںے پر اچھی خبریں آنا شروع ہوگئیں۔انہوں نے کہا کہ حکومت کے اتحادیوں کو بھی نااہل حکمرانوں کا پتا چل گیا، کل کا پارلیمان کا مشترکہ اجلاس ملتوی ہوگیا مگر ہم تیار رہیں گے۔
خواجہ آصف نے کہا کہ آج ممبران کی حاضری ہماری جیت ہے، ہمارے بہت سے ممبران بیرون ملک سے مشترکہ اجلاس کے لیے واپس آئے تھے۔مسلم لیگ ن کے رہنما نے کہا کہ ہمارا عزم جمہوریت کے لیے ہے، ہمیں قومی اسمبلی اور سینیٹ میں اپنی حاضری کو یقینی بنانا ہے۔انہوں نے کہا کہ کل جس طرح قومی اسمبلی میں ہم کامیاب ہوئے حکومت اس سے گھبرا گئی، عمران خان اب خود گھبرانے لگ گئے ہیں۔
واضح رہے کہ اس سے قبل پیپلزپارٹی کے سینیٹر رضاربانی کا کہنا تھا کہ اچانک اجلاس بلایا جاتا ہے اور پھر مؤخرکر دیا جاتا ہے بہتر ہے پارلیمنٹ کو تالےلگا دیئےجائیں۔
پارلیمان کے مشترکہ اجلاس کو اس مقصد کیلئے موْ خر کیا جا رہا ہے۔ ہمیں امید ہے اپوزیشن ان اہم اصلاحات پر سنجیدگی سے غور کرے گی اور ہم پاکستان کے مستقبل کیلئے ایک مشترکہ لائحہ عمل اختیار کر پائیں گے، تاہم ایسا نہ ہونے کی صورت میں ہم اصلاحات سے پیچھے نہیں ہٹ سکتے
— Ch Fawad Hussain (@fawadchaudhry) November 10, 2021
یاد رہے کہ وفاقی وزیر برائے اطلاعات فواد چوہدری نے سماجی رابطے کی ویب سائٹ ٹویٹر پر بتایا تھا کہ انتخابی اصلاحات ملک کے مستقبل کا معاملہ ہے، ہم نیک نیتی سے کوشش کررہے ہیں کہ اتفاق رائے پیدا ہو، پارلیمان کے مشترکہ اجلاس کو اس مقصد کے لیے موخر کیا جارہا ہے۔
فواد چوہدری کا کہنا تھا کہ اس سلسلے میں اسد قیصر کو اپوزیشن سے پھر رابطے کا کہا ہے، دوبارہ رابطے کا اس لیے کہا گیا ہے کہ متفقہ انتخابی اصلاحات کا بل لایا جاسکے۔
