ورلڈ ہیڈر ایڈ

خورشید شاہ کے گرد گھیرا تنگ، نیب نے بڑا فیصلہ کر لیا

نیب نے پیپلز پارٹی کے رہنما خورشید شاہ کے خلاف باضابطہ طور پر تحقیقات کا آغاز کر دیا، نیب سکھر نے طلب کرنے کی اجازت مانگی لی، چیئرمین نیب سے اجازت ملنے کے بعد انہیں نیب سکھر آفس طلب کیا جائے گا۔

باغی ٹی وی کی رپورٹ کے مطابق نیب نے خورشید شاہ کو طلب کرنے کے لئے اجازت مانگی ہے، نیب نے 27 اضلاع کے ڈپٹی کمشنرز کو سید خورشید احمد شاہ اور ان کے اہلخانہ کے نام جائیداد کی تفصیلات طلب کر لی ہیں۔ اب تک دو اضلاع کے ڈپٹی کمشنرز نے نیب کو ریکارڈ جمع کرا دیا ہے جبکہ جن اضلاع کے ڈپٹی کمشنرز نے ریکارڈ جمع نہیں کرایا انہیں یاد دہانی کے نوٹسز ارسال کیے جائیں گے۔

نیب کی جانب سے جاری کردہ لیٹرز میں خورشید شاہ سمیت ان کی دونوں اہلیہ، بیٹے، بیٹیوں اور بھیتجوں کی جائیداد کی مکمل تفصیلات طلب کر لی گئی ہیں۔

واضح رہے کہ نیب ایگزیکٹو بورڈ کے اجلاس میں خورشید شاہ کے خلاف تحقیقات کی منظوری دی گئی تھی، اب انہیں باقاعدہ طلب کیے جانے کا امکان ہے تا ہم ذرائع کے مطابق خورشید شاہ کے ابھی تک وارنٹ نہیں جاری کیے گئے.

پیپلز پارٹی کے شریک چیئرمین آصف زرداری اور ان کی ہمشیرہ کو نیب نے جعلی اکاؤنٹس کیس میں گرفتار کیا تھا وہ اڈیالہ جیل میں جوڈیشل ریمانڈ پر ہیں، زرداری کو چند روز قبل ہسپتال منتقل کیا گیا تھا تا ہم انہیں دوبارہ جیل منتقل کر دیا گیا

جواب چھوڑیں

آپ کا ای میل ایڈریس شائع نہیں کیا جائے گا.