کاروبار ی سرگرمیوں کے لئے ہر ممکن سہولیات فراہم کی جائیں، وزیراعظم کی ہدایت

وزیراعظم عمران خان سے معروف صنعت کاروں اور کاروباری شخصیات نے ملاقات کی ہے۔

باغی ٹی وی کی رپورٹ کے مطابق وزریراعظم عمران خان سے ملاقات کرنے والوں میں میاں محمد منشا، بشیر علی محمد، علی حبیب، شاہد حسین، خلیل ستار، ثاقب شیرازی، شاہد عبداللہ، طارق سہگل،عارف حبیب، مصدق ذوالقرنین اور سکندر مصطفی شامل تھے۔ وزیر منصوبہ بندی مخدوم خسرو بختیار، وزیر بحری امور سید علی حیدر زیدی، مشیر خزانہ ڈاکٹر عبدالحفیظ شیخ، مشیر تجارت عبدالرزاق داود، مشیر برائے ادارہ جاتی اصلاحات ڈاکٹر عشرت حسین اور چیئرمین ایف بی آر سید شبر زیدی بھی موجود تھے۔

وزیراعظم عمران خان نے صنعت کاروں اور کاروباری شخصیات کودعوت دی کہ وہ معیشت کی بہتری کے سلسلے میں اپنی تجاویز پیش کریں۔ انہوں نے کہا کہ حکومت بھرپور کوشش کر رہی ہے کہ کاروبار ی سرگرمیوں کے لئے ہر ممکن سہولیات فراہم کی جائیں، جب تک کاروبار میں آسانیاں پیدا نہیں ہونگی اس وقت تک معیشت کا پہیہ نہیں چل سکتا۔ انہوں نے کہا کہ ہماری اولین ترجیح روزگار کے مواقع پید ا کرنا ہے جس سے غربت میں کمی آئے گی

قبل ازیں وزیر اعظم عمران خان کی زیر صدارت وفاقی کابینہ کا اجلاس ہوا اجلاس میں7 نکاتی ایجنڈے پرغورکیا گیا،اجلاس میں کابینہ ارکان نےمختلف کمپنیوں کو208ارب روپےمعاف کرنےپرسوالات اٹھا دیئے، اجلاس میں گیس انفراسٹرکچرسرچارج کی مدمیں208ارب روپےمعاف کرنےپرطویل بحث کی گئی، حکومتی معاشی ٹیم نے کابینہ ارکان کو معاملے پر تفصیلی بریفنگ دی، اجلاس کے دوران وزیر اعظم عمران خان نے کہاکہ معاشی ٹیم اس معاملےپرمکمل تفصیل قوم کےسامنےرکھے، 208ارب روپےمعاف کرنےسےمتعلق حقائق کوتوڑمروڑکرپیش کیاجارہاہے،

عمران خان نے کہاکہ گیس انفراسٹرکچرڈیولپمنٹ سرچارج کےحوالےسےحقائق بتاناضروری ہیں، قومی خزانےکی حفاظت کی ذمہ داری خودلی ہے،کسی کونہیں نوازاجائےگا، اجلاس کے دوران وفاقی کابینہ نےاسلامی کیلنڈرکامعاملہ وزارت مذہبی امورکوبھجوادیا، وزارت مذہبی اموراسٹیک ہولڈرزسےمشاورت کےبعدکابینہ کورپورٹ پیش کرےگی، وفاقی تعلیمی اداروں کےملازمین کی مستقلی کےمعاملےپرکمیٹی بنانےکافیصلہ کیا گیا ہے، کمیٹی دیگراداروں میں ڈیلی ویجزملازمین کےحوالےسےبھی فیصلہ کرےگی، وفاقی کابینہ نےکابینہ کمیٹی برائےسی پیک کےفیصلوں کی بھی توثیق کردی