خواتین سے سر راہ غیر اخلاقی حرکت کرنے والا اوباش ملزم گرفتار

کراچی: پولیس نے شہرقائد کے علاقے اورنگی ٹاؤن میں خواتین سے سر راہ دست درازی کرنے والے ملزم کو فوٹیج کی مدد سے گرفتار کرلیا ہے۔

باغی ٹی وی : تفصیلات کے مطابق ڈسٹرکٹ ویسٹ اورنگی ٹاؤن میں خواتین سے نامناسب حرکت کرنے والے ملزم کو پولیس نے فوٹیج کی مدد سے گرفتار کیا۔ ترجمان ویسٹ پولیس کا کہنا ہے کہ پاکستان بازار پولیس نے واقعہ کی سی سی ٹی وی فوٹیج منظر عام پر آنے کے بعد فوری کارروائی کی۔

پولیس نے بتایا کہ راہ گیر خواتین سے دست درازی کرنے والے ملزم محمود کو گرفتار کرکے مقدمہ درج کرلیا ہے۔

خیال رہے کہ اس سے قبل بھی اورنگی ٹاؤن میں خواتین سے نامناسب حرکت کرنے والا ایک ملزم گرفتار ہوچکا ہے جبکہہ بلدیہ ٹاؤن سے میں بھی ایسا ہی واقعہ رپورٹ ہوا تھا اور پولیس نے مذکورہ ملزم کو بھی گرفتار کیا۔

کزن کے ساتھ بدفعلی،حالت غیر ہونے پر چار سالہ بچے کو گٹر میں پھینک دیا

دوسری جانب کراچی کے علاقے سرجانی میں موٹر سائیکل چھیننے کے دوران مزاحمت پر ڈاکوؤں کی فائرنگ سے نوجوان جاں بحق ہوگیا۔

ڈسٹرکٹ ویسٹ کے علاقے سرجانی ٹاؤن میں ڈاکوؤں نے موٹر سائیکل چھیننے کے دوران مزاحمت پر 40 سالہ محمد معصب پر فائرنگ کردی پولیس کے مطابق سینے میں گولی لگنے سے شہری نے موقع پر ہی دم توڑ دیا۔

پی ٹی آئی کارکنان کا مسجد میں گھس کر امام مسجد پر حملہ، ویڈیو وائرل