خیبرپختونخوا میں بھنگ اور افیوم کی کاشت سے متعلق کام شروع

پشاور: خیبرپختونخوا حکومت نےبھنگ اورافیوم سے ادویات بنانےاورکاشت سےمتعلق کام شروع کردیا-

باغی ٹی وی : حکومت کی جانب سے اس حوالے سے جاری دستاویز کے مطابق خیبر،کرم اوراورکزئی میں کاشت اورفیکٹری لگانےکی فیزبیلٹی رپورٹ پرکام شروع ہوگیا ہے-

دستاویز میں خیبرپختونخوامیں بھنگ اور افیوم سے ادویات بنانے کی تجاویز بھی شامل ہے-جامعہ پشاور کی فارمیسی ڈیپارٹمنٹ 6 ماہ میں رپورٹ حکومت کو پیش کرے گی-

حکومت کی جانب سے جاری دستاویز کے مطابق ادویات بنانےکےعلاوہ بھنگ کو صنعت میں بھی استعمال کیاجاسکےگا-

خیبرپختونخوا حکومت کا کہنا ہے کہ ادویات کی فیکٹری اورصنعت لگانے سے روزگارکےمواقع پیدا ہوں گے-

دوسری جانب خیبرپختونخوا حکومت نے ضم قبائلی اضلا ع کے ترقیاتی منصوبوں کے لیے فنڈز جاری کر دیئے ہیں –

وزیرخزانہ خیبرپختونخوا تیمور سلیم جھگڑا کاکہنا ہے کہ کوئی یقین نہیں کرسکتا کہ مالی سال کے پہلے ہی دن ضم اضلاع کے فنڈز جاری کر دیں گے-

وزیرخزانہ خیبرپختونخوا کے مطابق وعدے کے مطابق مالی سال کے پہلے دن 100 فیصد ترقیاتی فنڈز جاری کر دیئے ہیں-

محکمہ خزانہ خیبرپختونخوا نے ضم قبائلی اضلا ع کے ترقیاتی منصوبوں کےفنڈز ریلیز کا اعلامیہ بھی جاری کر دیا ہے-