کرتارپورراہداری، بھارت کے ساتھ مذاکرات کا چوتھا مرحلہ اسی ہفتے ہونے کا امکان

کرتارپورراہداری پرپاک بھارت تکنیکی مذاکرات کا چوتھا مرحلہ ،دونوں ممالک میں مذاکرات کا یہ دور رواں ہفتے ہونے کا امکان ہے

باغی ٹی وی کی رپورٹ کے مطابق کرتارپورراہداری پرتکنیکی ماہرین کی مشاورت 30 اگست کو متوقع ہے، مذاکرات کا یہ دورڈیرہ بابانانک زیرو پوائنٹ کے مقام پرہوگا،دریائے راوی پر بنائے جانے والے پل کے تکنیکی پہلووَں کا جائزہ لیا جائے گا،پاکستان نے راہداری منصوبے کے حوالے سے98 فیصد کام مکمل کر لیا ہے،پاکستانی وفد بھارتی حکام کو اپنی ورکنگ سے متعلق آگاہ کرے گا،پاکستان نے تکنیکی ماہرین کے مذاکرات کے لیے بھارتی درخواست کا جواب دے دیا،پاکستان نے مذاکرات کے مرحلے کےلیے30 اگست کی تجویز دی ہے

کرتارپور راہداری کب کھولی جائے گی؟ گورنر پنجاب نے بتا دیا

واضح رہے کہ پاکستان کی حکومت نے کرتارپور راہداری کو جلد از جلد مکمل کرنے کا فیصلہ کرلیا ، پاکستان سکھ کمیونٹی کو ہر ممکن سہولت پہنچائے گا اسی لیے پاکستان نے کرتارپورراہداری کو پاک بھارت تناؤ کی نذر نہیں ہونے دیا، اطلاعات کے مطابق کرتارپورراہداری پر جاری کام 31 اگست تک مکمل کرلیا جائے گا