جو بائیڈن کی حلف برداری کی تقریب میں لیڈی گاگا نے بلٹ پروف لباس کیوں پہنا تھا؟

لیڈی گاگا نے انکشاف کیا کہ انہوں نے 20 جنوری 2020 کو صدر جو بائیڈن کے حلف برداری کے موقع پر گانے کے لیے بلٹ پروف لباس پہنا تھا۔

باغی ٹی وی : "ڈیلی میل” کے مطابق 35 سالہ سپر اسٹار نے یہ اعتراف برطانوی میگزین کو انٹرویو دیتے ہوئے کیا، ان کا کہنا تھا کہ انہوں نے جو لباس پہنا تھا وہ بلٹ پروف تھا اور اس بارے میں کوئی بھی نہیں جانتا تھا۔

12 بار ایمی ایوارڈز جیتنے والی لیڈی گاگا نے بتایا کہ سابق امریکی صدر ٹرمپ کے دور اقتدار میں وہ خوف محسوس کرتی تھیں، اس لیے انہوں نے تقریب میں خود کو محفوظ رکھنے کے لیے بلٹ پروف لباس پہنا۔

یاد رہے لیڈی گاگا نے جو بائیڈن کی تقریبِ حلف برداری میں قومی ترانہ گایا تھا، تقریب میں لیڈی گاگا نے سیاہ رنگ کی شرٹ اور سرخ رنگ کا گاؤن پہن رکھا تھا جب کہ ان کی شرٹ پر سنہری رنگ کے امن کے پرندے کا نشان بھی آویزاں تھا۔

گلوکارہ کا کہنا تھا کہ میں نے یہ شیاپریلی ڈیزائن افتتاح کے لیے پہنا تھا، اور یہ کوئی نہیں جانتا، لیکن یہ بلٹ پروف لباس ہے جب میں نے اس سنہری کبوتر کو دیکھا، میں صرف اتنا جان گئی کہ یہ صحیح ٹکڑا ہے، اور میں جانتی تھی کہ شیاپریلی ایک اطالوی فیشن ہاؤس ہے، یہ وہ چیز تھی جو میں واقعی میں ایک اطالوی نژاد امریکی خاتون کے طور پر اپنے ورثے کے لیے کرنا چاہتی تھی۔ صدر 45 کو رخصت کرنے اور صدر 46 کو دفتر میں مدعو کرنے کے لیے گانا۔’

یاد رہے امریکی ذرائع ابلاغ کے مطابق واشنگٹن ڈی سی میں 25 ہزار نیشنل گارڈز تعینات تھے، جس میں لیڈی گاگا کے ساتھ جنیفر لوپز نے بھی پرفارم کیا تھا۔