کسٹم کی لاہور ائیرپورٹ پر کاروائیاں، قیمتی سامان قبضے میں لے لیا

باغی ٹی وی کو ملنے والی تفصیلات کے مطابق علامہ اقبال انٹرنیشنل ائیرپورٹ پر کسٹم نے تین مختلف کاروائیاں کی ۔ جن میں لاہور سے لندن جانے اور آنے والی خصوصی پروازوں سے فیس ماسک، سگریٹ اور شراب کی ترسیل کی کوشش ناکام بنائی گئی۔ گزشتہ روز لندن سے آنے والی خصوصی پرواز پی کے 8757 سے آنے والے 2 مسافر کے سامان سے شراب کی بوتلیں برآمد ہوئیں۔ مسافر علی حیدر اور عاقب کےسامان سے شراب کی 7 بوتلیں برآمد ہوئیں۔ لاہور سے خصوصی پرواز سے لندن جانے والے مسافر کے سامان سے 34 کلو فیس ماسک برآمد کیا گیا۔ دوران چیکنگ مسافر ہارون احمد کے سامان سے فیس ماسک برآمد ہوئے۔ لاہور سے برطانیہ جانے والے مسافر امجد کے سامان سے 27 ڈبے سگریٹ برآمد ہوئے۔ کسسٹم حکام نے سگریٹ، شراب اور فیس ماسک قبضے میں لے کر مسافروں کو سفر کرنے کی اجازت دے دی۔