لاہورہائیکورٹ نے "بدمعاشوں” کو ریلیف دے دیا

لاہورہائیکورٹ نے "بدمعاشوں” کو ریلیف دے دیا

لاہور ہائیکورٹ میں قبضہ گروپوں اور بدمعاشوں کی حکومتی فہرست کیخلاف درخواست پر سماعت ہوئی

ایڈووکیٹ جنرل پنجاب احمد اویس بھی عدالتی معاونت کیلئے پیش ہوئے،سپیشل سیکرٹری ہوم بھی عدالتی حکم پر پیش ہوئے، جسٹس فاروق حیدر، گوگی بٹ، امیر بالاج ودیگر کی درخواستوں پر سماعت کی

عدالت نے لاہور کے بڑے دس بدمعاشوں کی فہرست غیر موثر قرار دے دی ،عدالت نے ایڈوکیٹ جنرل پنجاب احمد اویس آئی جی پنجاب اور ہوم ڈیپارٹمنٹ افسر کے بیان کی روشنی میں غیر موثر قرار دے دی ،عدالت نے ریمارکس دیتے ہوئے کہا کہ آئی جی صاحب یہ جو لسٹ جاری ہوئی ہے یہ آپ نے بنائی ہے، جس پر آئی جی پنجاب نے کہا کہ یہ لسٹ ہم نے نہیں بنائی اور نہ کوئی کارروائی کررہے ہیں،سپیشل سیکرٹری نے کہا کہ محکمہ داخلہ نے بھی ایسی لسٹ جاری نہیں کی، جس پر عدالت نے کہا کہ اگر کسی کیخلاف کوئی مقدمہ ہوتا ہے یا جرائم میں ملوث ہوتا ہے توکسی لسٹ کی ضرورت نہیں، قانون کے مطابق کارروائی کرنا اداروں کی ذمہ داری ہے، یہ واضح ہوگیا ایڈووکیٹ جنرل صاحب کہ یہ لسٹ سرکاری طور پر جاری نہیں کی گئی، ایڈووکیٹ جنرل پنجاب اور افسران نے تصدیق کی کہ ٹاپ ٹین مجرموں کی فہرست جاری نہیں کی، اس کا مطلب ہے کہ یہ فہرست ختم ہوگئی ہے،

عدالت نے آئی جی پنجاب سے کہا کہ آئی جی صاحب ٹھیک ہے آپ جاسکتے ہیں، آئی جی پنجاب رائو سردار علی عدالت میں پیش ہوئے تھے اور عدالت میں بیان دیا تھا

وکیل درخواست گزار نے کہا کہ اعلیٰ پولیس افسران کے حکم پر درخواست گزار کیخلاف مقدمات درج کئے جارہے ہیں، گرفتاری کے بعد پولیس نے مقدمات درج کئے، درخواست گزاروں کیخلاف مقدمات درج کرانے کیلئے اکسایا جارہا ہے، درخواست گزار کیخلاف پچیس سال کے دوران کوئی مقدمہ درج نہیں ہوا،پولیس کی جانب سے ناجائز مقدمات درج کیے جارہے ہیں اور شہریوں کو اکسایا جارہا ہے،عدالت پولیس کو بلاجواز مقدمات درج کرنے سے روکنے کے احکامات جاری کرے،

لاہور کے ٹاپ ٹین بدمعاشوں کی فہرست کا معاملہ ،ایڈوکیٹ جنرل پنجاب احمد اویس نے میڈیا سے گفتگو کرتے ہوئے کہا کہ لاہور کے ٹاپ ٹین بدمعاشوں کی جاری فہرست جعلی ہے مکمل تحقیقات کریں گے، دیکھیں گے جس نے فائدہ حاصل کرنے کے لیے جعلی فہرست بنوائی ، مکمل تحقیقات کے بعد زمہ داروں کیخلاف سخت کاروائی کی جائے گی ،معاشرے میں نقص عمل کا مستقل خطرہ بننے والوں کیخلاف سرکاری سطح پر لسٹ تیار ہوگی ،سرکاری سطح تیاری شدہ لسٹ کو تمام ادارے اون کریں گے ، موجودہ جعلی فہرست کی محکمہ داخلہ ،ائی جی پنجاب نے زمہ داری نہیں لی ،پنجاب پولیس میں انقلابی تبدیلیوں کے لیے ہنگامی بنیادوں پر کام جاری ہے ، اس نئے نظام سے عوام الناس تھانے کے اندر اور باہر عزت کا احساس پائیں گے ، وزیر اعظم اور وزیر اعلی عنقریب ان اصلاحات کا باقاعدہ اعلان کریں گے ،

@MumtaazAwan

جہانگیر ترین بارے رپورٹ وزیراعظم کو پیش،اہم شخصیت کا بڑا دعویٰ

وزیراعظم نے جہانگیر ترین بارے کیا رپورٹ مانگی تھی؟ بیرسٹر علی ظفر کا انکشاف

اسلام آباد ہائیکورٹ نے جہانگیر ترین بارے درخواست پر فیصلہ سنا دیا

بریکنگ..شہزاد اکبر کھل کر جہانگیر ترین گروپ کیخلاف آ گئے، مقدمہ درج کروا دیا

جہانگیر ترین کیخلاف کاروائی سے پہلے عدالت کو بتانا ہو گا،عدالت کا حکم، درخواست ضمانت واپس

بدمعاشوں کے ڈیروں پر کاروائیاں شروع، دہشت کی علامت سمجھا جانے والا محمود عرف مودا گینگسٹر ساتھیوں سمیت گرفتار