لاہورجوہرٹاون دھماکہ بھارت نےکروایا اب پتہ چلےگاکہ عالمی دنیا کیا ایکشن لیتی ہے: شاہ محمود قریشی

لاہور:لاہورجوہرٹاون دھماکہ بھارت نے کروایا اب پتہ چلے گا کہ عالمی دنیا کیا ایکشن لیتی ہے:وزیرخارجہ شاہ محمود قریشی ،اطلاعات کے مطابق وزیرخارجہ شاہ محمود نے کہا ہےکہ ہمارے خدشات درست ثابت ہوئے بھارت پاکستان کوغیرمستحکم کرنا چاہتا ہے ،

شاہ محمود قریشی نے کہا کہ سب سے پہلے میں ہمارے تحقیقاتی اداروں، کاؤنٹر ٹیررزم ڈیپارٹمنٹ، ہماری ایجنسیز اور پنجاب پولیس کو مبارکباد پیش کرتا ہوں کہ انہوں نے اپنے پروفیشنلزم کا مظاہرہ کرتے ہوئے بروقت کارروائی کر کے نہ صرف اس واقعہ میں ملوث کرداروں کو بے نقاب کیا بلکہ کئ معصوم زندگیوں کو بچانے میں اپنا کردار ادا کیا،

ان کا کہنا تھا کہ کچھ عرصہ قبل میں نے اور قومی سلامتی کے مشیر معید یوسف صاحب نے دفتر خارجہ میں ایک مشترکہ پریس کانفرنس کیتھی، اس پریس کانفرنس میں ہم نے ان خدشات اور شواہد کا ذکر کیا تھا،
ہم نے آگاہ کیا تھا کہ بھارت پاکستان میں دہشتگردی کی پشت پناہی کر رہا ہے، ہم نے شواہد فراہم کیے کہ بھارت دہشتگردوں کو اسلحہ اور ٹریننگ دے رہا ہے،

شاہ محمود قریشی نے کہا کہ ہم نے واضح کیا تھا کہ بھارت دہشتگردوں کی مالی معاونت کر رہا ہے،جوہر ٹاؤن لاہور میں ہونیوالے حالیہ دہشتگردی کے واقعہ نے ہمارے خدشات کو درست ثابت کر دیا ہے، ہم نے وہ شواہد اقوام متحدہ کو بھجوانے کے ساتھ ساتھ، پی 5 ممالک کے سفراء، ڈپلومیٹک کمیونٹی، اور میڈیا کے ساتھ شئر کیے تھے،

آج ایک مرتبہ پھر ہمارے پاس بھارت کی ٹیرر فنانسنگ کے ناقابلِ تردید شواہد موجود ہیں، مخدوم شاہ محمود قریشی کیا فیٹف ادارے کی یہ ذمہ داری نہیں بنتی کہ وہ بھارت کو کٹہرے میں کھڑا کرے اور ان سے ٹیرر فناسنگ کی بابت پوچھے؟

مخدوم شاہ محمود قریشی نے کہا کہ اور اگر ایسا نہیں ہوتا تو یہ دوہرا معیار ہو گا،دوہرے معیار کے خلاف آواز اٹھانا ہمارا فرض بنتا ہے،بھارت مقبوضہ کشمیر کی بگڑتی ہوئی صورتحال پر پردہ ڈالنے کیلئے، کبھی پلوامہ کا ناٹک رچاتا ہے، کبھی پاکستان کی سرحد عبور کرتا ہے اور اسے مناسب جواب دیا جاتا ہے،اور کبھی دہشتگردوں کی تربیت اور مالی معاونت کرتا ہے

مخدوم شاہ محمود قریشی نے کہا کہ ہم عالمی برادری کے سامنے یہ شواہد رکھنا چاہیں گے، قبل ازیں، اگر ہمارے پیش کردہ شواہد کو سنجیدگی سے لیا جاتا تو جوہر ٹاؤن لاہور اور بلوچستان میں دہشت گردی کے واقعات نہ ہوتے،اور قیمتی انسانی جانوں کا ضیاع نہ ہوتا ،دیکھنا یہ ہے کہ فیٹف ممبران ممالک ان شواہد کے سامنے آنے پر بھارت کی ٹیرر فنانسنگ کا نوٹس لیتے ہیں یا نہیں؟

ان کا کہنا تھا کہ اگر وہ اس کا نوٹس نہیں لیتے تو واضح ہو جائے گا کہ فیٹف، تکنیکی کم اور سیاسی فورم زیادہ ہے، منی لانڈرنگ اور ٹیرر فناسنگ کے خلاف اقدامات ہم نے اپنے مفادات کے تحت کرتے رہنا ہے، منی لانڈرنگ کے ذریعے ملکی وسائل کو لوٹ کر باہر بھجوایا جاتا رہا،ٹیرر فنانسنگ کے خلاف ہم نے دیوار کھڑی کرنا ہے – اس حوالے سے ہم قانون سازی کر چکے ہیں، انتظامی ایکشنز ہم نے اٹھانا ہیں،ٹیرر فنانسنگ کی روک تھام فیٹف کی بنیادی ذمہ داری ہے – ہم توقع کرتے ہیں کہ ان شواہد کو دیکھنے کے بعد فیٹف حرکت میں آئے گا،