لبنان کے جج عالمی عدالت انصاف کے صدر منتخب

بیروت: لبنان سے تعلق رکھنے والے جج نواف سلام عالمی عدالت انصاف کے صدر منتخب ہوگئے ہیں-

باغی ٹی وی : عالمی خبر رساں ادارے کے مطابق عالمی عدالتِ انصاف کی صدر جن کا تعلق امریکا سے تھا کی جگہ اب لبنان کے جج نواف سلام سنبھال لیں گےنواف سلام 2018 سے عالمی عدالتِ انصاف کے رکن ہیں اور اس سے قبل 10 سال تک اقوامِ متحدہ میں لبنان کے سفیر بھی رہ چکے ہیں۔

نواف سلام لبنان میں سیاسی طور پر بھی کافی متحرک رہے ہیں اور لبنان کے وزیرِاعظم کے ممکنہ امیدوار کے طور پر سامنے آئے تھے لیکن حزب اللہ کی مخالفت کی وجہ سے وہ ناکام ہوگئے تھے حزب اللہ نے اعتراض اُٹھایا تھا کہ نواف سلام امریکا کے کافی قریب ہیں اور ان کی ہمدردیاں مغربی ممالک کے ساتھ ہیں تاہم نواف سلام نے اس الزام کو مسترد کردیا تھا۔

غزہ جانے والے انسانی امداد کے ٹرکوں پر انتہاپسند اسرائیلیوں کا حملہ

سوشل میڈیا پر نواف سلام نے اپنے پیغام میں لکھا کہ سب سے پہلی جو چیز میرے ذہن میں آئی وہ میرا شہر بیروت تھا، عالمی عدالت انصاف کے نومنتخب صدر نے لبنان سے مطالبہ کیا کہ قانون کی حکمرانی اور عوام کے درمیان انصاف کی بالادستی کی پاسداری کا راستہ اختیار کرے۔

کمپنی کا اپنے ملازمین کو ہر بچے کی پیدائش پر 3 کروڑ روپے دینے …

امریکا نے حملہ کیا تو بھرپور جواب دیں گے،ایران