لاہور میں کرونا وائرس کے مشتبہ مریض کی ہوئی موت

لاہور میں کرونا وائرس کے مشتبہ مریض کی ہوئی موت
باغی ٹی وی کی رپورٹ کے مطابق پاکستان میں کرونا وائرس کے متشبہ دوسرے مریض کی موت ہو گئی

صحافی عمر چیمہ نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ لاہور میو ہسپتال میں کرونا وائرس کا مریض دم توڑ گیا،یہ ہسپتال میں داخل 13 مشتبہ کرونا وائرس کے مریضوں میں سے ایک تھا اسکی تشخیص ابھی نہیں ہوئی تھی

میو ہسپتال کی انتظامیہ کا کہنا ہے کہ مریض جگر کے عارضے میں مبتلا تھا،غلام عمران چند روز قبل ایران سے واپس آیا تھا، غلام عمران کا تعلق حافظ آباد سے ہے، اس کی طبیعت خراب ہونے پر ٹی ایچ کیو حافظ آباد لایا گیا تھا جہاں کل اسے حافظ آباد سے میو ہسپتال منتقل کیا گیا تھا.

ہسپتال انتظامیہ کا کہنا تھا کہ مریض کی موت جگر کے عارضے کی وجہ سے ہوئی ہے اس بات کے قوی امکانات ہیں،مریض کے ٹیسٹ کی ابھی تک رپورٹ نہیں آئی، رپورٹ آنے کے بعد کچھ کلیر ہو گا.

تصحیح: یہ ہسپتال میں داخل 13 مشتبہ کرونا وائرس کے مریضوں میں سے ایک تھا اسکی تشخیص ابھی نہیں ہوئی تھی https://t.co/hzwxENAgiS

— Umar Cheema (@UmarCheema1) March 17, 2020

واضح رہے کہ پنجاب کے مختلف ہسپتالوں میں کرونا وائرس کے 28 مشتبہ مریض زیر علاج ہیں، پنجاب میں ایک مریض کنفرم ہو چکا ہے جبکہ غیر کنفرم دو ہیں ،جن میں سے ایک مریض لاہور اور ایک ملتان میں ہے

کرونا وائرس کے پاکستان میں کیسز کے حوالہ سے وزارت صحت نے اعدادو شمار جاری کر دیئے

وزارت صحت کے مطابق پاکستان میں کورونا وائرس کے کیسز کی کل تعداد187ہے،183مختلف اسپتالوں میں زیر علاج اور4ڈسچارج ہوچکے ہیں،سندھ میں کورونا وائرس کے150کیسز،147زیرعلاج ہیں،خیبرپختون خوا میں 15 اور بلوچستان میں 14کیسز رپورٹ ہوئے ہیں،اسلام آبادمیں کورونا وائرس کے4مریض،3زیرعلاج ہیں

تعلیمی ادارے بند، میٹرک اور انٹر کے امتحانات ہوں گے کب؟ سعید غنی نے کیا بڑا اعلان

کرونا وائرس، سندھ حکومت نے انتہائی اقدامات کا فیصلہ کر لیا،بین الصوبائی بارڈر ہوں گے بند

گائے کا پیشاب پینے سے کرونا وائرس ہو گا ختم،ہندو مہاسبھا کے صدر کے علاج پر سب حیران

بھارت میں کرونا کے 44 مریض، مندر میں بتوں کو بھی ماسک پہنا دیئے گئے

واضح رہے کہ گزشتہ روزپشاور میں کرونا وائرس کے مشتبہ مریض کی وفات ہوئی تھی،مشتبہ مریض قطر سے واپس آیا تھا اسے آئسولیشن وارڈ میں رکھا گیا تھا، مریض کے ٹیسٹ کئے گئے تھے سعید نامی مریض کا تعلق ہنگو سے تھا،مریض کی عمر 31 برس تھی.مریض حیات آباد میڈیکل کمپلکس میں زیر علاج تھا