لاک ڈاون کے دوران سب سے زیادہ ریلیف مزدورطبقہ کو دیا گیا، صوبائی وزیر لیبر کا دعویٰ

باغی ٹی وی کی رپورٹ کے مطابق پنجاب کے صوبائی وزیر لیبر عنصر مجید خان نے کہا ہے کہ حکومت کے بنیادی اقدامات کی بدولت کورونا وائرس کے کیسزمیں واضح کمی واقع ہوئی ہے۔

صوبائی وزیر لیبرانصرمجیدخان کا کہنا تھا کہ لاک ڈاون کے دوران سب سے زیادہ ریلیف مزدورطبقہ کو دیا گیا۔اپوزیشن کی جانب سے کورونا وائرس پرسیاست انتہا ئی افسوس ناک ہے۔ کوروناکی وباء کے باعث لاک ڈاون سے دنیابھر کامزدورطبقہ متاثرہواہے۔

انصرمجید خان کا مزید کہنا تھا کہ وزیراعظم عمران خان انٹرنیشنل لیبرآرگنائزیشن کی جانب سے منعقدکی جانے والی کانفرس میں دنیا بھر کے مزدورطبقہ کی ترجمانی کی گئی۔ پاکستانی معیشت میں زیادہ ترلوگ چھوٹے کاروباراورلیبرسے منسلک ہیں۔ پاکستانی سمارٹ لاک ڈاون کوپوری دنیامیں سراہاجارہاہے۔ لیبرکے حقوق کے تحفظ کویقینی بنانے کیلئے ٹھوس اقدامات اٹھائے جارہے ہیں

واضح رہے کہ گزشتہ روز وزیراعظم عمران خان نے  آئی ایل او کے خصوصی سیشن سے خطاب کرتے ہوئے کہا کہ ہم نے مشترکہ حکمت عملی کے تحت کورونا کے زیادہ پھیلاو کو روکا،پوری دنیا میں مزدوروں کےلیے مشکل وقت ہے ،لاک ڈاون ہوتے ہی متوسط طبقہ بے روزگارہوا،معیشت کو نقصان سے بچانے کےلیے اسمارٹ لاک ڈاون کا فیصلہ کیا،

وزیراعظم عمران خان کا مزید کہنا تھا کہ بھارت میں سخت لاک ڈاون سے بے روزگاری میں مزید اضافہ ہوا، بھارت نے کورونا کے بعد ملک بھر میں کرفیو لگایا،مزدورطبقے کےتحفظ کےلیے ہمیں مل کر اقدامات کرناہوں گے،ہم نےعوامی اجتماعات، اسکولز اور کالجوں پر پابندی لگائی،ہم نےچھوٹے طبقات کے مدد کےلیے کیش پروگرام شروع کیا،

وزیراعظم عمران خان کا مزید کہنا تھا کہ کورونا سے پہلے ہی سڑکوں پر سونے والوں کیلیے پناہ گاہ اور لنگر کا اہتمام کیا ،اسلام آباد میں ٹھنڈ میں لوگ سڑک پر سو رہے ہوتے تھے،پارلیمنٹرینز سے کہتا ہوں پناہ گاہوں میں جائیں اورلوگوں کیساتھ کھانا کھائیں اورحال پوچھیں،آج ہمارے حالات بھارت جیسے برے نہیں ہیں تو اس کی ایک وجہ احساس پروگرام بھی ہے، لوگوں کو یہ اعتماد دلائیں گے کہ ان کا دیا ہوا پیسا ٹھیک جگہ لگ رہاہے

کرونا وائرس، آئی ٹی سیکٹر میں بھی بڑے بحران کا خدشہ

یقین نہ آئے تو میری پینٹ اتار کر دیکھ لینا،پولیس تشدد کے بعد خودکشی کرنیوالے نوجوان کا دردناک پیغام

لاک ڈاؤن ،امداد دینے کے بہانے حکومت نے غریبوں سے 9 کروڑ وصول کر لیے

احسن اقبال کا احساس پروگرام بارے جھوٹ، باغی ٹی وی نے کیا بے نقاب

وزیراعظم عمران خان کا مزید کہنا تھا کہ احساس پروگرام میں کوئی سیاست نہیں ہے، پروگرام شفافیت سےجاری ہے، احساس پروگرام کے تحت شفافیت سےمستحقین کو پیسا فراہم کیا جارہاہے،وزیراعظم ریلیف فنڈزکا مقصد بےروزگارافراد کی مدد کرنا ہے