معروف اداکارہ ماہرہ خان آخر کار چائلڈ لیبر پر بول ہی پڑی ہیں ، نادیہ جمیل کی سخت تنقید کے بعد انہوں نے چائلڈ لیبر پر اپنی آواز اٹھائی ہے ، انہوں نے حال ہی میں ایک وڈیو پیغام دیا ہے جس میںانہوں نے کہا ہے کہ چائلڈ لیبر غیر قانونی ہے ، خدا کے لئے چائلڈ لیبر نہ کروائیں ان کے ساتھ ہمارے ملک کا مستقبل جڑا ہوا ہے. اس کو روکیں . میں ان ماں باپ کو چائلڈ لیبر کا ذمہ دار بالکل نہیں ٹھہرائوں گی جو ان کو لوگوں کے گھروں میں یا دکانوں پر کام کرنے کے لئے بھیجتے ہیں. انہوں نے کہا کہ کوئی بھی ماں باپ یہ نہیں چاہے گا کہ اسکا بچہ کام کرے ، اس عمر میں جب اس کو پڑھنا ہے کھیلنا ہے.
انہوں نے یہ بھی کہا کہ” رضوانہ جیسے واقعات افسوس کہ ان گھروں میں ہوتے ہیں جو پڑھے لکھے ہیں اور پاورفل ہیں” . وہ بچوں پر ظلم کرتے ہیں تو ان کو یقین ہوتا ہے کہ ہمیں ضمانت مل جائیگی ، اور ان پر کوئی بھی آسانی سے ہاتھ نہیں ڈال سکے گا، ہم سب جو پاور فل ہیں جن کو لوگ سنتے ہیں ان کو چاہیے کہ ایسے ظلم کے خلاف آواز اٹھائیں اور چائلڈ لیبر کرنے اور کروانے والوں کے خلاف بھرپور انداز میں بولیں.
