ملک ریاض کیس پر کس نے بات کرنے سے منع کیا؟ شیخ رشید نے بتا دیا

0
43

ملک ریاض کیس پر کس نے بات کرنے سے منع کیا؟ شیخ رشید نے بتا دیا

باغی ٹی وی کی رپورٹ کے مطابق وفاقی وزیر ریلوے شیخ رشید احمد نے کہا ہے کہ اگرسنجرانی سینیٹ میں جیت سکتا ہے تویہ قانون سازی بھی ہوجائے گی،قانون سازی کے لیے شہبازشریف گروپ ووٹ دے گا،شہبازشریف اورخورشید شاہ کے خلاف گواہوں نے خطرناک بیانات دیئےہیں ،ن لیگ کی اطلاع نہیں،پیپلزپارٹی والے پلی بارگین کی طرف چل پڑے ہیں،آصف زرداری دیگررہنما پلی بارگین سےمتعلق مشاورت کررہے ہیں،

شیخ رشید کا مزید کہنا تھا کہ یہ لوگ سیاسی طورپرختم ہوچکے ہیں،کوئی بھی ان کے لیے لاٹھی کھانے کوتیارنہیں، دسمبر کے آخر میں مولانا فضل الرحمان مارچ پرچلے جائیں گے ،ن لیگ نے نوازشریف کی بیماری پرسب کوگولی کرائی، ڈاکٹرعدنان ہر2 گھنٹے بعد کہتے تھے کہ پلیٹ لیٹس ختم ہوگئے کچھ ہونے والا ہے ،پلان کے تحت یہ لوگ نوازشریف کو باہر لے گئے ،نواز شریف کے باہرجانے میں شہباز شریف کا کلیدی کردارہے،یہ این آراونہیں لیکن یہ لوگ گولی کراکرنوازشریف کو لے گئے،

شیخ رشید احمد کا مزید کہنا تھا کہ پرویزالٰہی کومیڈیا ملااس لیےاس نےاپنا منجن بیچا،مولانافضل الرحمان کوکون یقین دہانی کرا سکتا ہے، مولانا نے خود کوسیاسی طورپرزندہ رکھنے کے لیے دسمبرکاشوشہ چھوڑا،حکومت کہیں نہیں جا رہی ،دسمبر بھی جارہا ہےاورمارچ بھی چلا جائے گا،یہ لوگ باہرچلے گئےپھربھی حکومت ٹھیک نہ چلاسکے تویہ ہماری بدقسمتی ہوگی ،مشیر خزانہ کوانٹرنیشنل منڈی کاپتہ ہےاس لیے انہوں نےٹماٹر17روپےکلوکی بات کی،عمران خان3سال میں اس ملک کوٹھیک کرکے دکھائیں گے،ملک ریاض کیس پروزیراعظم نے بات کرنے سے منع کیا ہے،

Leave a reply